രാഹുല്‍ നവിന് ഇഡി ഡയറക്ടറുടെ താല്‍ക്കാലിക ചുമതല
നിപ : സർവകക്ഷി യോഗം വിളിച്ച് സർക്കാർ
September 14, 2023
സിനിമ ദുരുപയോഗം ചെയ്ത് തിന്മ പ്രചരിക്കാന്‍ ചില ശക്തികള്‍ ശ്രമിക്കുന്നു : മുഖ്യമന്ത്രി
September 14, 2023
ന്യൂഡല്‍ഹി : സ്ഥാനം ഒഴിഞ്ഞ എസ് കെ മിശ്രയുടെ ഒഴിവില്‍ രാഹുല്‍ നവിന് ഇഡി ഡയറക്ടറുടെ താല്‍ക്കാലിക ചുമതല. ഇഡി ഡയറക്ടര്‍ സ്ഥാനത്ത് എസ് കെ മിശ്രയുടെ കാലാവധി ഇന്നാണ് അവസാനിച്ചത്. എസ് കെ മിശ്രയുടെ കാലാവധി നീട്ടണമെന്ന് കേന്ദ്രം ആവശ്യപ്പെട്ടെങ്കിലും സുപ്രീംകോടതി അനുവദിച്ചിരുന്നില്ല. ഇതിന് മുന്‍പ് നാലുതവണയാണ് മിശ്രയുടെ കാലാവധി കേന്ദ്രം നീട്ടിനല്‍കിയത്.
1993 ബാച്ച് ഐആര്‍എസ് ഉദ്യോഗസ്ഥനാണ് രാഹുല്‍ നവിന്. നിലവില്‍ ഇഡി ആസ്ഥാനത്തെ ചീഫ് വിജിലന്‍സ് ഓഫീസറാണ്. ഈ ചുമതലയും അദ്ദേഹം തന്നെ നിര്‍വഹിക്കും. ബിഹാര്‍ സ്വദേശിയാണ് നവിന്. തുടക്കത്തില്‍ 2020 നവംബര്‍ വരെ രണ്ടുവര്‍ഷത്തേയ്ക്കാണ് എസ് കെ മിശ്രയെ ഇഡി ഡയറക്ടറായി നിയമിച്ചത്. തുടര്‍ന്ന് വിവിധ കാലയളവില്‍ എസ് കെ മിശ്രയുടെ കാലാവധി കേന്ദ്രം നീട്ടി നല്‍കുകയായിരുന്നു. 1984 ബാച്ച് ഐആര്‍എസ് ഉദ്യോഗസ്ഥനാണ് എസ് കെ മിശ്ര.
