രാഹുലിനെതിരായ ഒന്നാമത്തെ ബലാത്സംഗക്കേസ്; ദീപ ജോസഫിന്റെ ഹര്ജിയില് തടസ്സഹര്ജിയുമായി അതിജീവിത സുപ്രീംകോടതിയിൽ
തമിഴ്നാട്ടിൽനിന്നു മോഷ്ടിക്കപ്പെട്ട മൂന്ന് വെങ്കലശിൽപങ്ങൾ ഇന്ത്യക്ക് തിരികെ നല്കാനൊരുങ്ങി യുഎസ് മ്യൂസിയം
January 31, 2026
ഹൈക്കമാന്റുമായി നടത്തിയ കൂടിക്കാഴ്ചയെ കുറിച്ചുള്ള മാധ്യമ റിപ്പോര്ട്ടുകളെ വിമര്ശിച്ച് ശശി തരൂര്
January 31, 2026
ന്യൂഡല്ഹി : കോൺഗ്രസ് എംഎൽഎ രാഹുൽ മാങ്കൂട്ടത്തിലിനെതിരായ ഒന്നാമത്തെ ബലാത്സംഗക്കേസിൽ അതിജീവിത സുപ്രീംകോടതിയെ സമീച്ചു. തന്നെ സമൂഹ മാധ്യമങ്ങളിലൂടെ അധിക്ഷേപിച്ച കേസിലെ പ്രതിയുടെ ഹര്ജിക്കെതിരെയാണ് അതിജീവിതയുടെ തടസ ഹര്ജി. സുപ്രീം കോടതി അഭിഭാഷക ദീപ ജോസഫ് നല്കിയ റിട്ട് ഹര്ജിയിലാണ് തടസഹര്ജി ഫയല്ചെയ്തിരിക്കുന്നത്. അതിജീവിതയെ സമൂഹ മാധ്യമങ്ങളിലൂടെ അധിക്ഷേപിച്ച കേസിലെ പ്രതിയാണ് ദീപ ജോസഫ്.
ദീപ ജോസഫിന്റെ ഹര്ജിയില് ഇടക്കാല ഉത്തരവ് പുറപ്പെടുവിക്കുന്നതിന് മുമ്പ് തന്റെ വാദം കേള്ക്കണമെന്ന് ഹര്ജിയിലെ ആവശ്യം. അതിജീവിതയെ സമൂഹ മാധ്യമങ്ങളിലൂടെ അധിക്ഷേപിച്ച കേസിലെ രണ്ടാം പ്രതിയാണ് കോണ്ഗ്രസ് അനുകൂലിയും അഭിഭാഷകയുമായ ദീപ ജോസഫ്.
അഭിഭാഷകന് കെ.ആര്. സുഭാഷ് ചന്ദ്രനാണ് അതിജീവിതക്കായി തടസ്സഹര്ജി ഫയല്ചെയ്തത്.ദീപ ജോസഫിന്റെ റിട്ട് ഹര്ജിയിലെ ഉള്ളടക്കം എന്താണെന്ന് ഇതുവരെ വ്യക്തമായിട്ടില്ല. കേരള പൊലീസ് രജിസ്റ്റര്ചെയ്ത കേസ് റദ്ദാക്കണമെന്ന ആവശ്യത്തിന് പുറമെ ചില ഭരണഘടനാ വിഷയങ്ങളും ഹര്ജിയില് ഉന്നയിച്ചിട്ടുണ്ട്.
