രാഹുൽഗാന്ധി ഇന്നു നാമനിർദേശ പത്രിക നൽകും, വയനാട്ടിൽ റോഡ് ഷോ

കല്‍പറ്റ: വയനാട് മണ്ഡലത്തില്‍ യുഡിഎഫ് സ്ഥാനാര്‍ഥിയായി മത്സരിക്കുന്ന രാഹുല്‍ഗാന്ധി ഇന്നു 12ന് നാമനിര്‍ദേശ പത്രിക നല്‍കും. എഐസിസി ജനറല്‍ സെക്രട്ടറി പ്രിയങ്ക ഗാന്ധിയും രാഹുലിനൊപ്പം വയനാട്ടിലെത്തും. പത്രികാസമര്‍പ്പണത്തിനു മുന്നോടിയായി 11ന് മണ്ഡലത്തിലെ വിവിധ പ്രദേശങ്ങളില്‍നിന്നുള്ള ആയിരക്കണക്കിനു യുഡിഎഫ് പ്രവര്‍ത്തകര്‍ പങ്കെടുക്കുന്ന റോഡ് ഷോ കല്‍പറ്റയില്‍ നടക്കും. മൂപ്പൈനാട് തലക്കല്‍ ഗ്രൗണ്ടില്‍ ഹെലികോപ്റ്ററിലാണു രാഹുല്‍ എത്തുക.