നാല് മാസങ്ങൾക്ക് ശേഷം രാഹുൽ ഗാന്ധി വീണ്ടും പാർലമെന്‍റിൽ

ന്യൂഡൽഹി : നാല് മാസങ്ങൾക്ക് ശേഷം കോൺഗ്രസ് നേതാവും വയനാട് എംപിയുമായ രാഹുൽ ഗാന്ധി വീണ്ടും പാർലമെന്‍റിൽ. “ഇന്ത്യ.. ഇന്ത്യ..’ മുദ്രാവാക്യം വിളിച്ചാണ് പ്രതിപക്ഷ സഖ്യമായ ഇന്ത്യയിലെ എംപിമാർ രാഹുലിനെ സ്വീകരിച്ചത്. ഗാന്ധി പ്രതിമയിൽ എത്തി വണങ്ങിയശേഷമാണ് രാഹുൽ പാർലമെന്‍റിലേക്ക് കയറിയത്. അക്ബർ റോഡിലെ സോണിയ ഗാന്ധിയുടെ വസതിയിൽ നിന്നാണ് രാഹുൽ പാർലമെന്‍റിലേക്ക് പുറപ്പെട്ടത്.