500 വിക്കറ്റ് നേട്ടം കുറിച്ച് അശ്വിൻ, കുംബ്ലേക്ക് ശേഷം ഈ നേട്ടം കുറിക്കുന്ന രണ്ടാമത്തെ ഇന്ത്യൻ

രാജ്കോട്ട് : ടെസ്റ്റ് ക്രിക്കറ്റിൽ അഞ്ഞൂറാം വിക്കറ്റ് തികച്ച്‌ ആർ.അശ്വിൻ. ഇംഗ്ളീഷ് താരം സാക് ക്രോളിയെ വീഴ്ത്തിയാണ് അശ്വിൻ കരിയറിലെ നാഴികക്കല്ല് പിന്നിട്ടത്. അനിൽ കുംബ്ലേക്ക് ശേഷം ഈ നേട്ടം കുറിക്കുന്ന രണ്ടാമത്തെ ഇന്ത്യൻ താരമാണ് അശ്വിൻ. വേഗത്തിൽ അഞ്ഞൂറ് വിക്കറ്റുകൾ വീഴ്ത്തുന്നവരുടെ പട്ടികയിൽ രണ്ടാമനും.

100 ൽ താഴെ ടെസ്റ്റുകളിൽ 500 വിക്കറ്റ് നേടുന്ന കാര്യത്തിൽ ശ്രീലങ്കൻ ഇതിഹാസം മുത്തയ്യ മുരളീധരൻ ആണ് അശ്വിന് മുന്നിലുള്ളത്. ത​ന്‍റെ 98-ാം ടെ​സ്റ്റി​ലാ​ണ് അ​ശ്വി​ൻ 500 വി​ക്ക​റ്റ് നേ​ട്ട​ത്തി​ലെ​ത്തി​യ​ത്. 87–ാം ടെ​സ്റ്റി​ൽ 500 വി​ക്ക​റ്റ് നേ​ട്ടം കൈ​വ​രി​ച്ച ശ്രീ​ല​ങ്ക​ൻ മു​ൻ താ​രം മു​ത്ത​യ്യ മു​ര​ളീ​ധ​ര​നാ​ണ് ഒ​ന്നാ​മ​ത്. മൂ​ന്നാം സ്ഥാ​ന​ത്തു​ള്ള ഇ​ന്ത്യ​യു​ടെ അ​നി​ൽ കും​ബ്ലെ​ക്ക് 500 വി​ക്ക​റ്റ് ക്ല​ബി​ലെ​ത്താ​ൻ 105 ടെ​സ്റ്റ് വേ​ണ്ടി​വ​ന്നു. 200 , 300 വിക്കറ്റ് തികക്കുന്ന കാര്യത്തിൽ മുരളീധരനെക്കാൾ മുന്നിലായിരുന്നു അശ്വിൻ.

500 വിക്കറ്റു നേട്ടക്കാരുടെ പട്ടിക

മുത്തയ്യ മുരളീധരൻ ( ശ്രീലങ്ക )- 800 വിക്കറ്റ്

ഷെയിൻ വോൺ ( ഓസ്‌ട്രേലിയ ) 708 വിക്കറ്റ് 

ജെയിംസ് ആൻഡേഴ്സൺ ( ഇംഗ്ലണ്ട് ) 695* വിക്കറ്റ് 

അനിൽ കുംബ്ലെ ( ഇന്ത്യ )   619 വിക്കറ്റ്

സ്റ്റുവർട്ട് ബ്രോഡ് (ഇംഗ്ലണ്ട് ) 604 വിക്കറ്റ്

ഗ്ലെൻ മഗ്രാത്ത് ( ഓസ്‌ട്രേലിയ) 563 വിക്കറ്റ് 

കോട്നി വാൽഷ്‌  ( വെസ്റ്റ് ഇൻഡീസ് ) 519 വിക്കറ്റ്

നഥാൻ ലിയോൺ ( ഓസ്‌ട്രേലിയ ) 517* വിക്കറ്റ് 

അശ്വിൻ ( ഇന്ത്യ ) 500* വിക്കറ്റ്