പി വി അന്‍വറിന്റെ വാര്‍ത്താസമ്മേളനം ഇന്ന് രാവിലെ 9.30 ന്
പീച്ചി ഡാമില്‍ വീണ പെണ്‍കുട്ടികളില്‍ ഒരാള്‍ മരിച്ചു; മൂന്ന് പേരുടെ നില ഗുരുതരം
January 13, 2025
പെട്രോള്‍ പമ്പുകള്‍ അടച്ചിട്ടുള്ള സമരം തുടങ്ങി; ആറു താലൂക്കുകളെ ഒഴിവാക്കി
January 13, 2025
തിരുവനന്തപുരം : എംഎല്‍എ സ്ഥാനം രാജിവെച്ചേക്കുമെന്ന അഭ്യൂഹങ്ങള്‍ക്കിടെ, പി വി അന്‍വര്‍ വിളിച്ച വാര്‍ത്താസമ്മേളനം ഇന്ന് നടക്കും. പ്രധാനപ്പെട്ട ഒരു വിഷയം അറിയിക്കുവാന്‍ തിങ്കളാഴ്ച രാവിലെ 9.30 ന് തിരുവനന്തപുരത്തു വെച്ച് വാര്‍ത്താ സമ്മേളനം നടത്തുമെന്ന് സമൂഹമാധ്യമത്തിലൂടെയാണ് അന്‍വര്‍ അറിയിച്ചത്.
ഇതിനു പിന്നാലെ ഇന്നു രാവിലെ ഒമ്പതു മണിക്ക് സ്പീക്കര്‍ ഷംസീറിനെ കാണുമെന്നും പി വി അന്‍വര്‍ ഫെയ്‌സ്ബുക്ക് കുറിപ്പിലൂടെ വ്യക്തമാക്കിയിരുന്നു. എല്‍ഡിഎഫ് സ്വതന്ത്രനായി നിയമസഭയിലേക്ക് വിജയിച്ച പി വി അന്‍വര്‍ മുഖ്യമന്ത്രിയുമായി ഇടഞ്ഞ്, കഴിഞ്ഞ ദിവസമാണ് തൃണമൂല്‍ കോണ്‍ഗ്രസില്‍ ചേര്‍ന്നത്.
സ്വതന്ത്രനായി ജയിച്ച അൻവർ തൃണമൂലിൽ അംഗത്വമെടുത്താൽ അയോഗ്യത നേരിടേണ്ടി വരുമെന്ന വിലയിരുത്തലിലാണു പുതിയ നീക്കമെന്നാണ് വിലയിരുത്തൽ. തൃണമൂൽ കോൺഗ്രസ് സംസ്ഥാന കോ–ഓര്‍ഡിനേറ്ററായി പ്രവര്‍ത്തിക്കുമെന്നാണ് അൻവർ അറിയിച്ചത്. അതേസമയം അൻവർ തൃണമൂൽ കോൺഗ്രസ് സ്വീകരിച്ചിട്ടില്ലെന്നാണ് വിവരം.
