എംബാപ്പെയും കെയ്‌നും തകര്‍ത്താടി; പിഎസ്ജിയും ബയേണും ചാമ്പ്യന്‍സ് ലീഗ് ക്വാര്‍ട്ടറില്‍
13600 കോടി കടമെടുക്കുവാൻ കേരളത്തിന് സുപ്രീംകോടതിയുടെ അനുമതി, ഹർജി പിൻവലിക്കണമെന്ന ഉപാധിയിൽ കേന്ദ്രത്തിന് വിമർശനം
March 6, 2024
വിവാദ ജ്യോതിഷിയും പൂജാരിയുമായിരുന്ന സന്തോഷ് മാധവന്‍ അന്തരിച്ചു
March 6, 2024
സീസണോടെ വിട പറയുന്ന പിഎസ്ജി താരം കെയ്‌ലിയന്‍ എംബാപ്പെയും ഈ സീസണില്‍ ബയേണിലെത്തി തകര്‍പ്പനം പ്രകടനം കാഴ്ച വെക്കുന്ന ഹാരി കെയ്‌നും നിറഞ്ഞാടിയപ്പോള്‍ യുവേഫ ചാമ്പ്യന്‍സ് ലീഗില്‍ പിഎസ്ജിയും ബയേണും ക്വാര്‍ട്ടറില്‍. എംബാപ്പെയുടെ ഇരട്ട ഗോളുകളുടെ കരുത്തിൽ പിഎസ്ജി റിയല്‍ സോസിഡാഡിനെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ചപ്പോള്‍ കെയ്ൻ നേടിയ രണ്ട് ഗോളുകളാണ് എതിരില്ലാത്ത മൂന്ന് ഗോളുകള്‍ക്ക് ലാസിയോയെ പരാജയപ്പെടുത്താൻ ബയേണിനെ സഹായിച്ചത്. ആദ്യപാദം എതിരില്ലാത്ത രണ്ട് ഗോളുകള്‍ക്ക് ജയിച്ച പിഎസ്ജി ഇരുപാദങ്ങളിലുമായി 4-1 ന്റെ വിജയമാണ് സ്വന്തമാക്കിയത്.
ആദ്യപാദത്തില്‍ ലാസിയോയോട് ഒരു ഗോളിന് പരാജയപ്പെട്ട ബയേണ്‍ മൂന്ന് ഗോളിന് വിജയിച്ചതോടെ ഇരുപാദങ്ങളിലുമായി 3-1 ന്റെ വിജയമാണ് സ്വന്തമാക്കിയത്. ചാമ്പ്യന്‍സ് ലീഗില്‍ ക്വാര്‍ട്ടറില്‍ എത്തിയതോടെ ബയേണ്‍ പരിശീലകൻ തോമസ് ടുഷേലിനും ആശ്വാസമായി. പരാജയപ്പെട്ടാല്‍ പരിശീലകനെ പുറത്താക്കുമെന്ന തരത്തില്‍ വാര്‍ത്തകളുണ്ടായിരുന്നു. ഇന്ന് നടക്കുന്ന പ്രീക്വാര്‍ട്ടര്‍ മത്സരത്തില്‍ റിയല്‍ മാഡ്രിഡ് ആര്‍ബി ലീപ്‌സിഗിനെയും മാഞ്ചസ്റ്റര്‍ സിറ്റി കോപ്പണ്‍ഹേഗനെയും നേരിടും. റയല്‍ ആദ്യപാദത്തില്‍ ഏകപക്ഷീയമായ ഒരു ഗോളിന് ജയിച്ചപ്പോള്‍ ഒന്നിനെതിരെ മൂന്ന് ഗോളുകള്‍ക്കായിരുന്നു സിറ്റിയുടെ വിജയം.
