ഛത്തീസ്ഗഡിലെ കന്യാസ്ത്രീകളുടെ അറസ്റ്റ്; വിവിധ സഭാ നേതാക്കളുടെ നേതൃത്വത്തില് രാജ്ഭവനിലേക്ക് പ്രതിഷേധ മാര്ച്ച് നടത്തും
പൂഞ്ചില് ഏറ്റുമുട്ടല്; രണ്ട് ഭീകരരെ സൈന്യം വധിച്ചു
July 30, 2025
കേരള സർവകലാശാല വിസി- രജിസ്ട്രാർ പോര് : കെ എസ് അനിൽകുമാർ ശിപാർശ നൽകിയ സർവകലാശാല യൂണിയന്റെ പ്രവർത്തന ഫണ്ട് തടഞ്ഞ് വിസി
July 30, 2025
തിരുവനന്തപുരം : ഛത്തീസ്ഗഡിലെ മലയാളി കന്യാസ്ത്രീകളുടെ അറസ്റ്റില് സഭാ നേതൃത്വത്തിന്റെ പ്രതിഷേധം ഇന്നും തുടരും. തിരുവനന്തപുരത്ത് വിവിധ സഭാ നേതാക്കളുടെ നേതൃത്വത്തില് രാജ്ഭവനിലേക്ക് പ്രതിഷേധ മാര്ച്ച് നടത്തും.
വൈകിട്ട് പാളയം രക്തസാക്ഷി മണ്ഡപത്തില് നിന്നാണ് മാര്ച്ച് ആരംഭിക്കുക. കര്ദ്ദിനാള് മാര് ബസ്സേലിയോസ് ക്ലീമിസ് കാതോലിക്കാ ബാവാ, ആര്ച്ച് ബിഷപ്പ് തോമസ് ജെ. നെറ്റോ, ആര്ച്ച് ബിഷപ്പ് മാര് തോമസ് തറയില്, ബിഷപ്പ് ക്രിസ്തുദാസ് എന്നിവര് റാലിയില് പങ്കെടുക്കും.
അതെസമയം, ഛത്തീസ്ഗഡില് അറസ്റ്റിലായ മലയാളി കന്യാസ്ത്രീകളുടെ ജാമ്യാപേക്ഷ സെഷന്സ് കോടതി ഇന്ന് പരിഗണിക്കും. ദുര്ഗ് സെഷന്സ് കോടതിയാണ് ജാമ്യാപേക്ഷ പരിഗണിക്കുക. കീഴ്ക്കോടതി കഴിഞ്ഞ ദിവസം ജാമ്യാപേക്ഷ തള്ളിയിരുന്നു. ഇതിന് പിന്നാലെയാണ് ജാമ്യം തേടി കന്യാസ്ത്രീകള് സെഷന്സ് കോടതിയെ സമീപിച്ചത്.
മനുഷ്യക്കടത്തും, നിര്ബന്ധിത മത പരിവര്ത്തനവും അടക്കം 10 വര്ഷം വരെ തടവുശിക്ഷ കിട്ടാവുന്ന കുറ്റങ്ങള് ചുമത്തിയാണ് സിസ്റ്റര് പ്രീതി മേരി, സിസ്റ്റര് വന്ദന ഫ്രാന്സിസ് എന്നിവര്ക്കെതിരെ കേസെടുത്തിരിക്കുന്നത്.
