പ്രൊഫ. ടി ജെ ചന്ദ്രചൂഡന് പുരസ്കാരം ജി സുധാകരന്
നെയ്യാറ്റിന്കരയില് ജീവനൊടുക്കിയ വീട്ടമ്മ കോണ്ഗ്രസ് നേതാവിനെതിരെ എഴുതിയ ആത്മഹത്യാ കുറിപ്പ് പുറത്ത്
October 19, 2025
കൊച്ചിലെ എസ്സന്സ് ഗ്ലോബല് ലിറ്റ്മസ് 25 പരിപാടിക്ക് സുരക്ഷാ ഭീഷണി; പരിപാടി നിര്ത്തിവെച്ചു
October 19, 2025
തിരുവനന്തപുരം : പ്രൊഫ. ടി ജെ ചന്ദ്രചൂഡന് പുരസ്കാരം മുതിര്ന്ന സിപിഐഎം നേതാവ് ജി സുധാകരന് സമ്മാനിക്കും. പ്രശസ്തി പത്രവും 25000 രൂപ ക്യാഷ് അവാര്ഡും അടങ്ങുന്നതാണ് പുരസ്കാരം. ആര് എസ് പി മുന് ജനറല് സെക്രട്ടറി പ്രൊഫ. ടി ജെ ചന്ദ്രചൂഡന്റെ സ്മരണക്കായി സാമൂഹിക, സാംസ്കാരിക, രാഷ്ട്രീയ രംഗത്ത് നിസ്തുലമായ സംഭാവന നല്കുന്ന പ്രതിഭകള്ക്ക് വേണ്ടി പ്രൊഫ. ടി ജെ ചന്ദ്രചൂഡന് ഫൗണ്ടേഷന് ഏര്പ്പെടുത്തിയ ഈ വര്ഷത്തെ പുരസ്കാരത്തിനാണ് മുന് മന്ത്രി ജി സുധാകരന് അര്ഹനായത്.
ഒക്ടോബര് 31 ന് രാവിലെ 11 മണിക്ക് തിരുവനന്തപുരം പ്രസ് ക്ലബ്ബ് ഹാളില് നടക്കുന്ന പ്രൊഫ. ടി.ജെ. ചന്ദ്രചൂഡന് അനുസ്മരണം പ്രതിപക്ഷ നേതാവ് വി ഡി സതീശന് ഉദ്ഘാടനം ചെയ്യും. ചടങ്ങില് ആര്എസ്പി സംസ്ഥാന സെക്രട്ടറി ഷിബു ബേബി ജോണ് ജി സുധാകരന് അവാര്ഡ് സമ്മാനിക്കും.
ചടങ്ങില് എന് കെ പ്രേമചന്ദ്രന് എം പി മുഖ്യ പ്രഭാഷണം നടത്തുമെന്നും പ്രൊഫ. ടി.ജെ. ചന്ദ്രചൂഡന് ഫൗണ്ടേഷന് സെക്രട്ടറി പാര്വ്വതി ചന്ദ്രചൂഡന് അറിയിച്ചു. സിപിഐഎമ്മുമായി ഇടഞ്ഞ് നില്ക്കുന്നതിനിടെയാണ് ജി സുധാകരന് ആര്എസ്പിയുടെ മുന് ജനറല് സെക്രട്ടറിയുടെ പേരിലുള്ള പുരസ്കാരത്തിന് തെരഞ്ഞെടുത്തിരിക്കുന്നത്. എന്നാൽ നിലവിലെ രാഷ്ട്രീയ സ്ഥിതിഗതികളുമായി അവാർഡിനെ കൂട്ടിക്കെട്ടേണ്ടതില്ലെന്ന് ഷിബു ബേബിജോൺ പറഞ്ഞു.
