ബസ് ജീവനക്കാരനെ പോക്‌സോ പ്രകാരം അറസ്റ്റ് ചെയ്തു, കോഴിക്കോട്, കണ്ണൂർ ജില്ലകളിൽ മിന്നൽ പണിമുടക്ക്
ഡൊമിനിക്ക് മാര്‍ട്ടിനെ എന്‍ഐഎ ചോദ്യം ചെയ്യുന്നു, സ്‌ഫോടനമുണ്ടായ സ്ഥലത്ത് എന്‍എസ്ജി പരിശോധന
October 30, 2023
ബോംബ് സ്ഥാപിച്ചത് പ്ലാസ്റ്റിക് കവറുകളിൽ, ബോംബ് വെച്ചത് ഭാര്യാമാതാവ് ഇരുന്ന സ്ഥലം ഒഴിവാക്കി : ഡൊമിനിക്കിന്‍റെ മൊഴിപുറത്ത്
October 30, 2023
കോഴിക്കോട്: കോഴിക്കോട്, കണ്ണൂർ ജില്ലകളിൽ സ്വകാര്യ ബസുകള്‍ പണിമുടക്കി. തലശേരി- തൊട്ടില്‍പ്പാലം, കോഴിക്കോട്-തലശേരി, കോഴിക്കോട്- കണ്ണൂര്‍, കോഴിക്കോട്- വടകര റൂട്ടുകളിലാണ് പണിമുടക്ക്.
കണ്ണൂരിൽ തലശേരി, പാനൂര്‍, കൂത്തുപറമ്പ് റൂട്ടുകളിലാണ് പണിമുടക്ക്. തലശേരിയില്‍ ബസ് ജീവനക്കാരനെ പോക്‌സോ പ്രകാരം അറസ്റ്റ് ചെയ്തതിനാണ് പ്രതിഷേധം. കഴിഞ്ഞദിവസം കരിയാട്-തലശേരി റൂട്ടിലോടുന്ന ബസിലെ കണ്ടക്ടര്‍ക്കെതിരേ രണ്ട് വിദ്യാര്‍ഥികൾ പരാതിനൽകിയിരുന്നു. വിദ്യാര്‍ഥികളെ തുടര്‍ച്ചയായി ഉപദ്രവിച്ചു എന്ന രീതിയിലാണ് പരാതി. ബസ് ജീവനക്കാരനെ പൊലീസ് അറസ്റ്റ് ചെയ്ത് റിമാന്‍ഡ് ചെയ്തിരുന്നു. എന്നാൽ ഇത് അകാരണമായ അറസ്റ്റാണെന്നും കേസ് കെട്ടിച്ചമച്ചതാണെന്നുമാണ് ബസ് ജീവനക്കാര്‍ പറയുന്നത്. വാട്‌സ് ആപ്പിലൂടെയായിരുന്നു സമരാഹ്വാനം. ജില്ലകളിലെ സ്വകാര്യ ബസുകളുടെ മിന്നല്‍ പണിമുടക്കിനെ തുടര്‍ന്ന് യാത്രക്കാര്‍ ദുരിതത്തിലായി.
