മണിപ്പൂർ വിഷയത്തിലടക്കം വിയോജിപ്പുണ്ട്, സുരേഷ് ഗോപിയോട് തുറന്നു പറഞ്ഞ് തൃശൂരിലെ വൈദികൻ

തൃശൂര്‍: വോട്ട് തേടിയെത്തിയ ബിജെപി സ്ഥാനാര്‍ഥി സുരേഷ് ഗോപിയോട് വിയോജിപ്പുകള്‍ തുറന്ന് പറഞ്ഞ് വൈദികന്‍. അവിണിശേരി ഇടവകയിലെ ഫാദര്‍ ലിജോ ചാലിശ്ശേരിയാണ് വിയോജിപ്പ് പ്രകടിപ്പിച്ചത്. മണിപ്പൂര്‍ വിഷയത്തിലടക്കമുള്ള ബിജെപി നിലപാടുകള്‍ വൈദികന്‍ ചോദ്യം ചെയ്തു. അവിണിശേരി ഇടവകയില്‍ സുരേഷ് ഗോപി വോട്ട് തേടിയെത്തിയപ്പോഴാണ് സംഭവം. മണിപ്പൂർ വിഷയം കൈകാര്യം ചെയ്യാൻ ആണുങ്ങൾ ഉണ്ടെന്ന സുരേഷ്‌ഗോപിയുടെ പ്രസംഗം നേരത്തെ ചൂടേറിയ ചർച്ചക്ക് ഇടയാക്കിയിരുന്നു. ഇതിനെതിരെ തൃശൂർ അതിരൂപതാ മുഖമാസിക അടക്കം മുഖപ്രസംഗമെഴുതുന്ന നിലയിലേക്ക് വിഷയം വളർന്നിരുന്നു.