മണിപ്പൂരിൽ രാഹുൽ ഗാന്ധിയെ തടഞ്ഞു, കലാപബാധിത മേഖലയിലേക്കുള്ള യാത്രയിൽ വാഹനവ്യൂഹത്തിന് മുന്നിൽ ബാരിക്കേഡ് വെച്ച് പൊലീസ്

ഇം​ഫാൽ :  വംശീയ കലാപം നടക്കുന്ന മണിപ്പൂരിൽ സന്ദർശനത്തിനെത്തിയ രാഹുൽ ഗാന്ധിയുടെ വാഹനവ്യൂഹം തടഞ്ഞ് പൊലീസ്. ബിഷ്ണുപൂരിൽ വെച്ചാണ് മണിപ്പൂർ പൊലീസ് ബാരിക്കേഡ് വെച്ച് രാഹുലിനെ തടഞ്ഞത്. വിമാനത്താവളത്തിൽ നിന്ന് 25 കിലോമീറ്റർ പിന്നിട്ട ശേഷമായിരുന്നു പൊലീസിന്റെ ഈ നടപടി.

ഇം​ഫാ​ലി​ലെ​ത്തി​യ രാ​ഹു​ല്‍ ക​ലാ​പ​ബാ​ധി​ത മേ​ഖ​ല​യാ​യ ചു​രാ​ച​ന്ദ്പൂ​രി​ലേ​ക്ക് പോ​കുന്നവഴിയാണ് പൊലീസ് തടഞ്ഞത്. സം​സ്ഥാ​ന​ത്തെ ജ​ന​പ്ര​തി​നി​ധി​ക​ളു​മാ​യും രാ​ഹു​ല്‍ കൂ​ടി​ക്കാ​ഴ്ച ന​ട​ത്തും.മ​ണി​പ്പൂ​ര്‍ ക​ലാ​പ​ത്തി​ല്‍ പ്ര​ധാ​ന​മ​ന്ത്രി​ മൗ​നം തു​ട​രു​ന്നു എ​ന്ന പ്ര​തി​പ​ക്ഷ ആ​ക്ഷേ​പ​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് രാ​ഹു​ലി​ന്‍റെ സ​ന്ദ​ര്‍​ശ​നം. ഇ​ന്ന് മ​ണി​പ്പൂ​രി​ല്‍ തു​ട​രു​ന്ന രാ​ഹു​ല്‍​ഗാ​ന്ധി വെ​ള്ളി​യാ​ഴ്ച​യാ​ണ് മ​ട​ങ്ങു​ക.

ഇതിനിടെ, രാഹുലിന്‍റെ മണിപ്പുർ സന്ദർശനത്തിനെതിരേ വിമർശനവുമായി ബിജെപി രംഗത്തുവന്നു. രാഹുല്‍ സമാധാനത്തിന്‍റെ മിശിഹയല്ലെന്നും രാഷ്ട്രീയ അവസരവാദിയാണെന്നും ബിജെപി ഐടി സെൽ കൺവീനർ അമിത് മാളവ്യ വിമർശിച്ചു.ജനങ്ങളെയോർത്തല്ല, സ്വാര്‍ഥമായ രാഷ്ട്രീയ അജണ്ടയാണ് രാഹുലിന്‍റെ സന്ദർശനത്തിന്‍റെ ലക്ഷ്യം. കോണ്‍ഗ്രസിന്‍റെ കാലത്ത് സംഘർഷം ഉണ്ടായപ്പോള്‍ രാഹുല്‍ മണിപ്പുരിൽ സന്ദർശനം നടത്തിയില്ലെന്നും അമിത് മാളവ്യ കുറ്റപ്പെടുത്തി.

രണ്ടു  ദിവസത്തെ സന്ദർശനത്തിനായി ഇന്ന് രാവിലെയാണ് രാഹുൽ ഗാന്ധി മണിപ്പൂരിലെത്തിയത്. രാഹുൽ വന്ന സമയത്തും മണിപ്പൂരിൽ സംഘർഷം കനക്കുകയായിരുന്നു. പുലർച്ചെ കാങ്‌പോക്പി ജില്ലയിൽ വെടിവയ്പ്പ് ഉണ്ടായതായും ആളപായമില്ലെന്നും അധികൃതർ അറിയിച്ചു.