തിരുവനന്തപുരത്തെ എൻഎസ്എസ്‌ നാമജപഘോഷയാത്ര: വൈസ് പ്രസിഡന്റിനെ ഒന്നാം പ്രതിയാക്കി പൊലീസ് കേസ്

തിരുവനന്തപുരം: സ്പീക്കർ എ.എൻ.ഷംസീറിന്റെ ഗണപതി പരാമർശത്തിൽ പ്രതിഷേധിച്ച് ഇന്നലെ എൻഎസ്എസ് തിരുവനന്തപുരം താലൂക്ക് യൂണിയൻ തലസ്ഥാനത്ത് നടത്തിയ നാമജപഘോഷയാത്രയിൽ കന്റോൺമെന്റ് പൊലീസ് കേസെടുത്തു. എൻഎസ്എസ് വൈസ് പ്രസിഡന്റ് എം.സംഗീത്കുമാ‍റിനെ ഒന്നാം പ്രതിയാക്കി, കണ്ടാലറിയാവുന്ന ആയിരത്തോളം പേർക്കെതിരെയാണ് കേസ്.

അ​നു​മ​തി​യി​ല്ലാ​തെ സം​ഘം ചേ​ര്‍​ന്ന് ഗ​താ​ഗ​തം ത​ട​സ​മു​ണ്ടാ​ക്കി​യെ​ന്നാ​രോ​പി​ച്ചാ​ണ് ന​ട​പ​ടി. ഘോ​ഷ​യാ​ത്ര ന​ട​ത്തു​ന്ന വി​വ​രം ജാ​ഥ ക​ട​ന്നു​പോ​കു​ന്ന പ്ര​ദേ​ശ​ങ്ങ​ളി​ലെ സ്റ്റേ​ഷ​നു​ക​ളി​ല്‍ അ​റി​യി​ച്ചി​രു​ന്നെ​ന്ന് എ​ന്‍​എ​സ്എ​സ് നേ​തൃ​ത്വം അ​റി​യി​ച്ചു.എ​ന്നാ​ല്‍ ഇ​തി​ന് അ​നു​മ​തി ന​ല്‍​കി​യി​ല്ലെ​ന്നാ​ണ് പൊ​ലീ​സി​ന്‍റെ വി​ശ​ദീ​ക​ര​ണം. എൻഎസ്എസ് തിരുവനന്തപുരം താലൂക്ക് യൂണിയന്റെ നേതൃത്വത്തിൽ 175 കരയോഗങ്ങളിൽനിന്നുള്ളവരാണ് യാത്രയിൽ പങ്കെടുത്തത്.

പാളയം ഗണപതി ക്ഷേത്രത്തിൽനിന്ന് വൈകിട്ട് അഞ്ചരയോടെയാണ് ഘോഷയാത്ര ആരംഭിച്ചത്. നിലവിളക്കും നിറപറയും ഒരുക്കിയ ഗണേശ വിഗ്രഹത്തോടൊപ്പം ഗണപതി സ്തുതികളുമായി കരയോഗ അംഗങ്ങൾ അണിനിരന്ന യാത്ര വൈകിട്ട് ആറേമുക്കാലോടെ പഴവങ്ങാടി ഗണപതിക്ഷേത്രത്തിൽ സമാപിച്ചു. സ്ത്രീകളുൾപ്പെടെ ആയിരക്കണക്കിന് പേരാണ് യാത്രയിൽ പങ്കെടുത്തത്.