നിയമസഭ കയ്യാങ്കളിക്കേസ് : വിചാരണത്തീയതി നിശ്ചയിക്കാനിരിക്കെ, തുടരന്വേഷണം ആവശ്യപ്പെട്ട് പൊലീസ് കോടതിയിൽ

തിരുവനന്തപുരം: നിയമസഭ കയ്യാങ്കളിക്കേസിൽ പൊലീസിന്റെ നാടകീയ നീക്കം. കേസിന്റെ വിചാരണത്തീയതി നിശ്ചയിക്കാനിരിക്കെ, തുടരന്വേഷണം ആവശ്യപ്പെട്ട് പൊലീസ് കോടതിയെ സമീപിച്ചു. കേസ് അന്വേഷിക്കുന്ന ക്രൈംബ്രാഞ്ച് ഡിവൈഎസ്പിയാണ് തിരുവനന്തപുരം ചീഫ് ജുഡീഷ്യൽ മജിസ്‌ട്രേറ്റ് കോടതിയിൽ അപേക്ഷ നൽകിയത്. എൽഡിഎഫ് നേതാക്കളും മന്ത്രി വി.ശിവൻകുട്ടിയുമാണ് കേസിലെ പ്രതികൾ. കു​റ്റ​പ​ത്രം പ്ര​തി​ക​ള്‍​ക്ക് വാ​യി​ച്ച് കേ​ള്‍​പ്പി​ച്ച് വി​ചാ​ര​ണ ന​ട​പ​ടി​യി​ലേ​ക്ക് ക​ട​ക്കാ​നി​രി​ക്കെ​യാ​ണ് വീ​ണ്ടും അ​ന്വേ​ഷ​ണ​മെ​ന്ന പൊലീ​സ് ആ​വ​ശ്യം.

ആ​വ​ശ്യം ത​ള്ളി​യ സി​ജെ​എം കോ​ട​തി രൂ​ക്ഷ വി​മ​ര്‍​ശ​നം ഉ​ന്ന​യി​ച്ചു. തു​ട​ര​ന്വേ​ഷ​ണ​ത്തി​ല്‍ പു​തു​താ​യെ​ന്തെ​ങ്കി​ലും ക​ണ്ടെ​ത്തി​യാ​ല്‍ മാ​ത്ര​മേ​ല്ല അ​നു​ബ​ന്ധ കു​റ്റ​പ​ത്ര​ത്തി​ന് പ്ര​സ​ക്തിയു​ള്ളൂ എ​ന്ന് കോ​ട​തി ചോ​ദി​ച്ചു.സം​ഘ​ര്‍​ഷ​ത്തി​ല്‍ എം​എ​ല്‍​എ​മാ​ര്‍​ക്ക് പ​രി​ക്കേ​റ്റ​ത​ട​ക്ക​മു​ള്ള കൂ​ടു​ത​ല്‍ കാര്യങ്ങളിൽ തു​ട​ര​ന്വേ​ഷ​ണം വേ​ണ​മെ​ന്നാ​യി​രു​ന്നു പൊലീസ് ആ​വ​ശ്യം. കോ​ട​തി ഇ​ട​പെ​ട്ട​തോ​ടെ സ​ര്‍​ക്കാ​ര്‍ അ​ഭി​ഭാ​ഷ​ക​ന്‍ അ​പേ​ക്ഷ ഉ​ട​ന്‍ തി​രു​ത്താ​മെ​ന്ന് അ​റി​യി​ച്ചു.മു​ന്‍ എം​എ​ല്‍​എ​മാ​രാ​യ ഇ.​എ​സ്. ബി​ജി​മോ​ളും ഗീ​താ​ഗോ​പി​യും സ​മാ​ന ആ​വ​ശ്യം ഉ​ന്ന​യി​ച്ച് ന​ല്‍​കി​യ ഹ​ര്‍​ജി ക​ഴി​ഞ്ഞ​ദി​വ​സം അ​വ​ര്‍ ത​ന്നെ പി​ന്‍​വ​ലി​ച്ചി​രു​ന്നു. ഇ​തേ കാ​ര്യ​മാ​ണി​പ്പോ​ള്‍ അ​ന്വേ​ഷ​ണ സം​ഘം വീ​ണ്ടും മു​ന്നോ​ട്ടു​വ​ച്ച​ത്.നി​യ​മ​സ​ഭാ കൈ​യാ​ങ്ക​ളി​ക്കേ​സി​ല്‍ കോ​ട​തി​യു​ടെ തു​ട​ര്‍​നി​ല​പാ​ട് നി​ര്‍​ണാ​യ​ക​മാ​ണ്.

മുൻ ധനമന്ത്രി കെ.എം.മാണിയുടെ ബജറ്റ് പ്രസംഗത്തിനിടെ നടന്ന അക്രമവുമായി ബന്ധപ്പെട്ട്, വിവിധ കോടതികളിലുള്ള കേസുകൾ ഒരുമിച്ച് വിചാരണ നടത്തണമെന്ന് ആവശ്യപ്പെട്ട് സമർപ്പിച്ച ഹർജിയിൽ വിധി പറയാൻ കോടതി ചേർന്നപ്പോഴാണ് പുനരന്വേഷണം വേണമെന്ന് ക്രൈംബ്രാഞ്ച് ആവശ്യപ്പെട്ടത്. അനുബന്ധ കുറ്റപത്രം സമർപ്പിക്കാൻ അനുവദിക്കണമെന്നും ആവശ്യപ്പെട്ടു. സഭയിലെ കയ്യാങ്കളിക്കിടെ പരുക്ക് പറ്റിയെന്നും അതേക്കുറിച്ച് അന്വേഷിക്കണമെന്നും ആവശ്യപ്പെട്ട് മുൻ എംഎൽഎമാരായ ജമീല പ്രകാശവും കെ.കെ.ലതികയും കോടതിയെ സമീപിച്ചിരുന്നു.

പരുക്ക് പറ്റിയെന്ന് സാക്ഷ്യപ്പെടുത്തിയ 14 വൂണ്ട് സർട്ടിഫിക്കറ്റുകൾ ലഭിച്ചിട്ടുണ്ടെന്നും അതേപ്പറ്റി വിശദമായി അന്വേഷിക്കണമെന്നും ക്രൈംബ്രാഞ്ച് കോടതിയിൽ പറഞ്ഞു. തെളിവുകൾ ലഭിച്ചാൽ അനുബന്ധ കുറ്റപത്രം സമർപ്പിക്കാനും അനുമതി തേടി. കോടതിയിൽ വായിച്ച നിലവിലെ കുറ്റപത്രം പിൻവലിക്കുകയാണോ എന്നും എന്തിനാണ് അനുബന്ധ കുറ്റപത്രം സമർപ്പിക്കുന്നതെന്നും കോടതി ആരാഞ്ഞു. തുടരന്വേഷണം എന്ന ആവശ്യം ഉന്നയിക്കാൻ പൊലീസിന് അധികാരമുണ്ട്. അന്വേഷണം നടത്തി പുതിയ തെളിവുകൾ ലഭിക്കുന്നതിനു മുൻപ് അനുബന്ധ കുറ്റപത്രം സമർപ്പിക്കണമെന്ന ആവശ്യം എങ്ങനെ അനുവദിക്കാൻ കഴിയുമെന്നും കോടതി ചോദിച്ചു.

തുടരന്വേഷണമാണ് ആവശ്യമെന്നും തെളിവുകൾ ലഭിച്ചാൽ മാത്രമേ അനുബന്ധ കുറ്റപത്രം സമർപ്പിക്കൂ എന്നും പ്രോസിക്യൂട്ടർ കോടതിയെ അറിയിച്ചു. അനുബന്ധ കുറ്റപത്രം സമർപ്പിക്കാൻ അനുവദിക്കണമെന്ന അപേക്ഷ പിൻവലിക്കാമെന്നും പ്രോസിക്യൂട്ടർ പറഞ്ഞു. കോടതി നടപടികൾ തുടരുകയാണ്. കേസുമായി ബന്ധപ്പെട്ട് ജമീല പ്രകാശം, കെ.കെ.ലതിക, കേസിലെ പ്രതികളും മുൻ എംഎൽഎമാരായ കെ.അജിത്, കെ.ടി.ജലീൽ, സി.കെ.സദാശിവൻ എന്നിവർ വിവിധ മജിസ്ട്രേറ്റ് കോടതികളിൽ നൽകിയ ഹർജികളാണ് ഒരുമിച്ച് വാദം കേൾക്കണോ എന്ന് കോടതി പരിഗണിക്കുന്നത്.

മന്ത്രി വി.ശിവൻകുട്ടി, ഇടതു നേതാക്കളായ ഇ.പി.ജയരാജൻ, കെ.ടി.ജലീൽ, കെ.അജിത്, കെ.കുഞ്ഞഹമ്മദ്, സി.കെ.സദാശിവൻ എന്നിവരാണു കേസിലെ പ്രതികൾ. 2015 മാർച്ച് 13ന് അന്നത്തെ ധനമന്ത്രി കെ.എം.മാണി ബജറ്റ് അവതരിപ്പിക്കുന്നത് തടയാൻ ആക്രമണം നടത്തി 2.20 ലക്ഷം രൂപയുടെ നഷ്ടം വരുത്തി എന്നാണ് പൊലീസ് കേസ്.