ലൈംഗികാതിക്രമം : കലാമണ്ഡലം അധ്യാപകനെതിരെ പോക്സോ കേസ്
യന്ത്രതകരാറിനെ തുടര്ന്ന് ലോറി കുടുങ്ങി; താമരശ്ശേരി ചുരത്തില് ഇന്നും ഗതാഗതക്കുരുക്ക്
November 12, 2025
ചികിത്സയിലായിരുന്ന നടന് ധര്മ്മേന്ദ്രയെ ആശുപത്രിയില് നിന്ന് ഡിസ്ചാര്ജ് ചെയ്തു
November 12, 2025
തൃശൂര് : കേരള കലാമണ്ഡലത്തിലെ അധ്യാപകനെതിരെ പോക്സോ കേസ്. ദേശമംഗലം സ്വദേശിയായ കൂടിയാട്ടം അധ്യാപകനായ കനകകുമാറിനെതിരേയാണ് വിദ്യാര്ഥികളുടെ പരാതിയെ തുടര്ന്ന് കേസെടുത്തത്. പോക്സോ നിയമപ്രകാരം രണ്ട് കേസുകളാണ് ഇയാള്ക്കെതിരെ എടുത്തിട്ടുള്ളത്.
മദ്യപിച്ച ശേഷം അധ്യാപകന് ക്ലാസ് മുറിയിലേക്ക് വരികയും വിദ്യാര്ത്ഥികളെ അധിക്ഷേപിച്ച് അശ്ലീല പരാമര്ശങ്ങള് നടത്തിയെന്നായിരുന്നു വിദ്യാര്ത്ഥികളുടെ പരാതി. പരാതിയുടെ അടിസ്ഥാനത്തില് പൊലീസ് ഇയാള്ക്കെതിരെ രണ്ട് കേസുകള് എടുത്തിട്ടുണ്ടെന്ന് കുന്നംകുളം എസിപി സന്തോഷ് പറഞ്ഞു. പരാതിക്ക് പിന്നാലെ കനകകുമാര് ഒളിവില് പോയെന്നും പൊലീസ് ഇയാളെ തിരയുകയാണെന്നും അദ്ദേഹം പറഞ്ഞു.
വിദ്യാര്ത്ഥിനികള് നല്കിയ പരാതി സര്വകലാശാല അധികൃതര് ചെറുതുരുത്തി പൊലീസിന് കൈമാറി. കുട്ടികളുടെ മൊഴി രേഖപ്പെടുത്തിയ പൊലീസ് കനകകുമാറിനെതിരെ പേക്സോവകുപ്പ് പ്രകാരം കേസെടുക്കുകയായിരുന്നു. വൈസ് ചാന്സലര് നല്കിയ പരാതിയുടെ അടിസ്ഥാനത്തിലാണ് പൊലീസ് കേസ് രജിസ്റ്റര് ചെയ്തത്. അധ്യാപകന് വിദ്യാര്ത്ഥിനികളുടെ ശരീര ഭാഗങ്ങളില് സ്പര്ശിച്ചുവെന്നും ബോഡി ഷെയ്മിങ് നടത്തിയെന്നും കുട്ടികള് പറയുന്നു.
ഇയാളെ ജോലിയില് നിന്ന് സസ്പെന്ഡ് ചെയ്തിട്ടുണ്ടെന്നും അന്വേഷണത്തില് കഴമ്പുണ്ടെന്ന് കണ്ടെത്തിയതിനെ തുടര്ന്നാണ് കനാകകുമാറിനെ സസ്പെന്ഡ് ചെയ്യാന് തീരുമാനിച്ചതെന്ന് കലാമണ്ഡലം വൈസ് ചാന്സലര് ബി അനന്തകൃഷ്ണന് പറഞ്ഞു.
