പി എം ആര്ഷോയും കെ വിദ്യയും വിവാഹിതരായി
നേപ്പാള് ഇന്ത്യന് ഭൂമി കയ്യേറിയിട്ടുണ്ട് : പ്രധാനമന്ത്രി ബലേന് ഷാ
June 1, 2026
വിദ്യാഭ്യാസത്തിനുള്ള ഡെസ്റ്റിനേഷന് പോയിന്റ് ആക്കി കേരളത്തെ മാറ്റും : മുഖ്യമന്ത്രി
June 1, 2026
കാസര്കോട് : സിപിഐഎം പാലക്കാട് ജില്ലാ കമ്മിറ്റി അംഗവും എസ്എഫ്ഐ മുന് സംസ്ഥാന സെക്രട്ടറിയുമായ പി എം ആര്ഷോയും എസ്എഫ്ഐ മുന് നേതാവ് കെ വിദ്യയും വിവാഹിതരായി. തൃക്കരിപ്പൂര് രജിസ്ട്രാര് ഓഫീസില് ഇന്ന് രാവിലെ 11 മണിക്കായിരുന്നു വിവാഹം.
വളരെ ലളിതമായ വേഷത്തോടെയായിരുന്നു ഇരുവരുമെത്തിയത്. ആര്ഷോ വയലറ്റ് നിറത്തിലുള്ള ഷര്ട്ടും തൂവെള്ള മുണ്ടും ധരിച്ചെത്തിയപ്പോള് വയലറ്റ് ബ്ലൗസും പച്ച നിറത്തിലുള്ള സാരിയുമായിരുന്നു വിദ്യയുടെ വേഷം. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങിനെത്തിയത്. തൃക്കരിപ്പൂര് സ്വദേശിനിയാണ് വിദ്യ. പാലക്കാട് കാഞ്ഞിരപ്പുഴ സ്വദേശിയാണ് ആര്ഷോ.
എറണാകുളം മഹാരാജാസ് കോളജിലെ ആര്ക്കിയോളജി പി ജി വിദ്യാര്ഥിയായിരുന്നു ആര്ഷോ. പിന്നീട് പഠനം മതിയാക്കുകയായിരുന്നു. വിദ്യ കാലടി സംസ്കൃത സര്വകലാശാലയിലെ പിഎച്ച്ഡി വിദ്യാര്ഥിനിയാണ്.
