ഇതുവരെ കിട്ടിയത് 4,49,920 അപേക്ഷകൾ,പ്ളസ് വൺ അപേക്ഷ സമയം ഇന്ന് അവസാനിക്കും

തിരുവനന്തപുരം: ഒന്നാം വർഷ ഹയർ സെക്കൻഡറി/ വി.എച്ച്.എസ്.ഇ പ്രവേശനത്തിനുള്ള അപേക്ഷ സമർപ്പണം ഇന്ന് അവസാനിക്കും. ഇന്നലെ രാത്രി വരെയുള്ള കണക്ക് പ്രകാരം 4,49,920 അപേക്ഷകൾ ലഭിച്ചു. കൂടുതൽ അപേക്ഷകർ മലപ്പുറം ജില്ലയിൽ- 78140. കുറവ് വയനാട്ടിൽ-11573. ട്രയൽ അലോട്ട്മെന്റ് 13നും ഒന്നാം അലോട്ട്മെന്റ് 19നും നടക്കും.

അപേക്ഷകരുടെ എണ്ണം മറ്റ് ജില്ലകളിൽ: തിരുവനന്തപുരം 33852, കൊല്ലം 32500, പത്തനംതിട്ട 13832, ആലപ്പുഴ 25187, കോട്ടയം 22585, ഇടുക്കി 12399, എറണാകുളം 36887, തൃശൂർ 38133, പാലക്കാട് 43258, കോഴിക്കോട് 46140, കണ്ണൂർ 36352, കാസർകോട് 19109.