ലീഡ് തിരിച്ചുപിടിച്ച് പിണറായി
മുഖ്യമന്ത്രി തീരുമാനം മെയ് 10ന്; ഹൈക്കമാന്ഡുമായുള്ള ചര്ച്ചയ്ക്ക് നേതാക്കള് ഡല്ഹിയിലേക്ക്
May 4, 2026
കുലംകുത്തി എന്നു ചാപ്പയടിച്ച് കൊല്ലാൻ ആഹ്വാനം ചെയ്തവൻ പൊളളുന്ന വെയിലത്ത് നഗ്നനായി നിൽക്കുന്ന കാഴ്ച , രാഷ്ട്രീയ കേരളത്തിന് അഭിവാദ്യങ്ങൾ’ : കെ കെ രമ
May 4, 2026
തിരുവനന്തപുരം : നിയമസഭ തെരഞ്ഞെടുപ്പില് വോട്ടെണ്ണലിന്റെ തുടക്കത്തില് വിയര്ത്ത മുഖ്യമന്ത്രി പിണറായി വിജയന് ലീഡ് തിരിച്ചുപിടിച്ചു. ഒരുഘട്ടത്തില് യുഡിഎഫിന്റെ അബ്ദുള് റഷീദിനെതിരെ 2800ലധികം വോട്ടുകള്ക്ക് പിന്നില് നിന്ന പിണറായി വിജയന് എട്ടാം റൗണ്ട് പൂര്ത്തിയായപ്പോള് 3659 വോട്ടുകള്ക്ക് മുന്നിലാണ്.
തെരഞ്ഞെടുപ്പില് എല്ഡിഎഫിനെ മുന്നില് നിന്ന് നയിച്ച പിണറായി വിജയന് വോട്ടെണ്ണലിന്റെ തുടക്കത്തില് ഉണ്ടായ തിരിച്ചടി എല്ഡിഎഫ് ക്യാമ്പിനെ ഞെട്ടിച്ചിരുന്നു. തുടര്ഭരണം ഉറപ്പാണെന്നാണ് വോട്ടെണ്ണലിന് തൊട്ടുമുന്പ് വരെ പിണറായി വിജയന് പറഞ്ഞിരുന്നത്. 90ലധികം സീറ്റുകളില് വിജയിച്ച് ഭരണം നിലനിര്ത്തുമെന്നായിരുന്നു സിപിഎം സംസ്ഥാന സെക്രട്ടറി എം വി ഗോവിന്ദന്റെ അവകാശവാദം.
കഴിഞ്ഞ തെരഞ്ഞെടുപ്പില് യുഡിഎഫ് സ്ഥാനാര്ഥി രഘുനാഥിനെയാണ് പിണറായി വിജയന് പരാജയപ്പെടുത്തിയത്. അരലക്ഷത്തിന് മുകളില് ഭൂരിപക്ഷം നേടിയാണ് 2021ല് പിണറായി വിജയന് ജയിച്ച് വീണ്ടും മുഖ്യമന്ത്രിയായത്.
