ഗണേഷും കടന്നപ്പള്ളിയും മന്ത്രിസഭയിലേക്ക്, സ്പീക്കറും മാറും, പിണറായി സർക്കാർ മ​ന്ത്രി​സ​ഭാ പു​നഃ​സം​ഘ​ട​നക്ക് ?

തി​രു​വ​ന​ന്ത​പു​രം: രണ്ടാം പിണറായി രണ്ടരവർഷം പൂർത്തിയാക്കുമ്പോൾ  സം​സ്ഥാ​ന​ത്ത് മ​ന്ത്രി​സ​ഭാ പു​നഃ​സം​ഘ​ട​ന ഉ​ണ്ടാ​കു​മെ​ന്ന് സൂ​ച​ന. പുതിയ  മന്ത്രിമാരെ ഉള്‍പെടുത്തുന്നതിനോടൊപ്പം നിലവിലെ മന്ത്രിമാരില്‍ ചിലരുടെ വകുപ്പുകളില്‍ മാറ്റം വരാനും സാധ്യതയുണ്ട്. കെ.​ബി.​ഗ​ണേ​ഷ് കു​ മാ​റും ക​ട​ന്ന​പ്പ​ള്ളി രാ​മ​ച​ന്ദ്ര​നും മ​ന്ത്രി​മാ​രാ​കു​മെ​ന്നാ​ണ് വി​വ​രം.

ന​വം​ബ​റി​ല്‍ ര​ണ്ടാം പി​ണ​റാ​യി സ​ര്‍​ക്കാ​ര്‍ അ​ധി​കാ​ര​മേ​റ്റെ​ടു​ത്തി​ട്ട് ര​ണ്ട​ര വ​ര്‍​ഷം പൂ​ര്‍​ത്തി​യാ​കും. ഇ​ത​നു​സ​രി​ച്ച് ഘ​ട​ക​ക​ക്ഷി വ​കു​പ്പു​ക​ളി​ല്‍ മ​ന്ത്രി​മാ​ര്‍​ക്ക് മാ​റ്റ​മു​ണ്ടാ​കു​മെ​ന്ന മു​ന്‍​ധാ​ര​ണ അ​നു​സ​രി​ച്ചാ​ണ് പു​നഃ​സം​ഘ​ട​ന ന​ട​ത്താ​നൊ​രു​ങ്ങു​ന്ന​ത്. അ​ടു​ത്ത​യാ​ഴ്ച ചേ​രു​ന്ന എ​ല്‍​ഡി​എ​ഫി​ന്റെ യോ​ഗ​ത്തി​ല്‍ ഇ​ക്കാ​ര്യ​ത്തി​ല്‍ ച​ര്‍​ച്ച ഉ​ണ്ടാ​യേ​ക്കും. ഇ​ത​നു​സ​രി​ച്ച് മ​ന്ത്രി​മാ​രാ​യ ആ​ന്റ​ണി രാ​ജു​വും അ​ഹ​മ്മ​ദ് ദേ​വ​ര്‍​കോ​വി​ലും സ്ഥാ​ന​മൊ​ഴി​യും. 

ഗ​താ​ഗ​ത​വ​കു​പ്പ് വേ​ണ്ട എ​ന്ന് ഗ​ണേ​ഷ് നേ​ര​ത്തേ അ​റി​യി​ച്ചി​രു​ന്നു. ഇ​തോ​ടെ ഗ​ണേ​ഷി​ന് വ​നം​വ​കു​പ്പ് കൊ​ടു​ത്ത് എ.​കെ.​ശ​ശീ​ന്ദ്ര​ന് ഗ​താ​ഗ​തം കൊ​ടു​ക്കു​ന്ന കാ​ര്യം ഉ​ള്‍​പ്പെ​ടെ പ​രി​ഗ​ണ​ന​യി​ല്‍ ഉ​ണ്ടെ​ന്നാ​ണ് സൂ​ച​ന.ഏക എംഎല്‍എ മാത്രമുള്ള എല്‍ജെഡിയും ഇടതുമുന്നണിയില്‍ മന്ത്രിസ്ഥാനത്തിന് അവകാശവാദം ഉന്നയിക്കും. പാര്‍ട്ടി അധ്യക്ഷന്‍ എംവി ശ്രേയാംസ് കുമാര്‍ ഇടതുമുന്നണി യോഗത്തില്‍ എല്‍ജെഡിയുടെ മന്ത്രിസ്ഥാനത്തിനുള്ള അവകാശവാദം ഉന്നയിക്കും.

ഗ​ണേ​ഷി​ന് മ​ന്ത്രി​സ്ഥാ​നം കൊ​ടു​ക്കു​ന്ന​തി​ല്‍ സി​പി​എ​മ്മി​ല്‍ അ​ഭി​പ്രാ​യ​ഭി​ന്ന​ത​യു​ണ്ടെ​ന്നാ​ണ് വി​വ​രം. സി​പി​എം മ​ന്ത്രി​മാ​രു​ടെ വ​കു​പ്പു​ക​ളി​ലും മാ​റ്റ​ത്തി​ന് സാ​ധ്യ​ത​യു​ണ്ട്. ഷംസീര്‍ മന്ത്രിയാവുമെന്നും വീണാ ജോര്‍ജ്ജ് സ്പീക്കറാവുമെന്നും സൂചനയുണ്ട്.