നീരൊഴുക്ക് കൂടി പീച്ചി ഡാമിൻറെ ഷട്ടറുകൾ നാളെ തുറക്കും; മണലി, കരുവന്നൂര് പുഴകളുടെ തീരത്തുള്ളവര്ക്ക് മുന്നറിയിപ്പ്
യുഡിഎഫ് ജയിക്കണമെന്നാണ് ആഗ്രഹിക്കുന്നത്; മരണം വരെ കോണ്ഗ്രസിനൊപ്പം ഉണ്ടാകും : വിവി പ്രകാശിന്റെ കുടുംബം
June 19, 2025
രാജ്യത്ത് ഇംഗ്ലീഷ് സംസാരിക്കുന്നവര് വൈകാതെ തന്നെ ലജ്ജിക്കേണ്ടി വരും : അമിത് ഷാ
June 19, 2025
തൃശൂര് : പീച്ചി ഡാമിലേക്കുള്ള നീരൊഴുക്ക് കൂടിയ സാഹചര്യത്തില് ജലനിരപ്പ് നിയന്ത്രിക്കുന്നതിനായി നാളെ ഷട്ടറുകള് തുറക്കും. രാവിലെ ഒന്പത് മണി മുതല് കെ എസ് ഇ ബി ചെറുകിട വൈദ്യുതി ഉത്പാദന നിലയം/ റിവര് സ്ലൂയിസ് വഴി വെള്ളം തുറന്ന് വിടും.
മണലി, കരുവന്നൂര് പുഴകളില് നിലവിലെ ജലനിരപ്പില് നിന്നും പരമാവധി 20 സെന്റീമീറ്റര് കൂടി ഉയരാന് സാധ്യതയുള്ളതിനാല് തീരത്ത് താമസിക്കുന്നവര് ജാഗ്രത പാലിക്കണമെന്ന് ജില്ലാ ദുരന്തനിവാരണ അതോറിട്ടി ചെയര്പേഴ്സണായ ജില്ലാ കലളക്ടര് അര്ജുന് പാണ്ഡ്യന് അറിയിച്ചു.
പീച്ചി ഡാമിലെ അധികജലം പുറത്തേക്ക് ഒഴുക്കുമ്പോള് മണലി, കരുവന്നൂര് പുഴകളിലെ ജലനിരപ്പ് ഉയരാന് സാധ്യതയുള്ളതിനാല് പൊതുജനങ്ങളും കുട്ടികളും പുഴയില് ഇറങ്ങുന്നതിനും കുളിക്കുന്നതിനും വസ്ത്രങ്ങള് അലക്കുന്നതിനും ഫോട്ടോ എടുക്കുന്നതിനും നിയന്ത്രണം ഏര്പ്പെടുത്തി. പുഴകളില് മത്സ്യബന്ധനത്തിന് കര്ശ്ശന നിയന്ത്രണം ഏര്പ്പെടുത്തുന്നതിനായി ഫിഷറീസ് ഡെപ്യൂട്ടി ഡയറക്ടര് നടപടികള് സ്വീകരിക്കണം. അപകടസാഹചര്യം നേരിടുന്നതിനാവശ്യമായ തയ്യാറെടുപ്പുകള് ജില്ലാ ഫയര് ഓഫീസര് സ്വീകരിക്കണം. പീച്ചി ഡാമിലെ ജലനിരപ്പിന്റെ തോത് ഓരോ മണിക്കൂര് ഇടവേളകളിലും ജില്ലാ അടിയന്തരഘട്ട കാര്യനിര്വ്വഹണകേന്ദ്രത്തില് എക്സിക്യൂട്ടീവ് എഞ്ചിനീയര് ഇറിഗേഷന് ഡിവിഷന് റിപ്പോര്ട്ട് ചെയ്യേണ്ടതാണെന്നും ഉത്തരവില് പറയുന്നു.
