പാറ്റ് കമ്മിന്‍സ് ഹൈദരാബാദ് നായകന്‍
മംഗളൂരുവില്‍ മൂന്ന് വിദ്യാര്‍ത്ഥിനികള്‍ക്ക് നേരെ ആസിഡ് ആക്രമണം; മലയാളി യുവാവ് അറസ്റ്റില്‍
March 4, 2024
പൂക്കോട് കാമ്പസിൽ എസ്എഫ്‌ഐക്ക് കോടതി മുറിയുണ്ടെന്ന് മുൻ പിടിഎ പ്രസിഡന്റ്
March 4, 2024
ഹൈദരാബാദ്: വരാനിരിക്കുന്ന ഐപിഎല്‍ സീസണ് മുന്നോടിയായി ഓസ്‌ട്രേലിയന്‍ നായകന്‍ പാറ്റ് കമ്മിന്‍സിനെ സണ്‍ റൈസേഴ്‌സ് ഹൈദരാബാദ് അവരുടെ നായകനായി പ്രഖ്യാപിച്ചു. ഐഡന്‍ മാര്‍ക്രത്തിന് പകരമായാണ് നിയമനം. 20.5 കോടി മുടക്കിയാണ് മുന്‍ കൊല്‍ക്കത്ത താരമായിരുന്ന കമ്മിന്‍സിനെ ഹൈദരാബാദ് ടീമിലെത്തിച്ചത്.
ഓസ്‌ട്രേലിയക്ക് ഏകദിന ലോകകപ്പും ലോക ടെസ്റ്റ് ചാമ്പ്യന്‍ഷിപ്പും നേടിക്കൊടുത്ത നായകനാണ് കമ്മിന്‍സ്. മാര്‍ച്ച് 23ന് കൊല്‍ക്കത്തെതിരെയാണ് ഹൈദരാബാദിന്റെ ആദ്യ മത്സരം. കഴിഞ്ഞ വര്‍ഷം ടൂര്‍ണമെന്റില്‍ അവസാനത്തായിരുന്നു ഹൈദരാബാദ്. ഡേവിഡ് വാര്‍ണറിന് ശേഷം സ്ഥിരം നായകനായും ടീം കമ്മിന്‍സിനെ കാണുന്നുണ്ട്. ഓസ്‌ട്രേലിയയുടെ വെടിക്കെട്ട് താരം ട്രാവിസ് ഹെഡിനെയും ഹൈദരാബാദ് സ്വന്തമാക്കിയിരുന്നു.
