വിനേഷ് ഫോഗട്ട് സെമിയിൽ, എതിരാളിയാകുക ക്യൂബൻ താരം യുസ്‌നെലിസ് ലോപ്പസ്

പാരീസ് :  ഐതിഹാസിക പ്രകടനത്തോടെ 50 കിലോഗ്രാം ഫ്രീസ്റ്റൈൽ വിഭാഗം ഗുസ്തിയിൽ വിനേഷ് ഫോഗട്ട്  സെമിയിൽ. ആവേശകരമായ ക്വാർട്ടർ പോരാട്ടത്തിൽ യുക്രെയ്ൻ താരം ഒക്സാന ലിവാച്ചിനെ വീഴ്ത്തിയാണ് വിനേഷ് ഫോഗട്ടിന്റെ സെമി പ്രവേശം. മുൻ യൂറോപ്യൻ ചാംപ്യനും ലോക ചാംപ്യൻഷിപ്പ് മെഡൽ ജേതാവുമായ യുക്രയ്ൻ താരത്തെ 7–5നാണ് ഫോഗട്ട് തകർത്തത്. നേരത്തെ, ആവേശകരമായ പ്രീക്വാർട്ടറിൽ ഒന്നാം സീഡും നിലവിലെ ഒളിംപിക് സ്വർണ മെഡൽ ജേതാവുമായ ജപ്പാന്റെ സുസാകി യുയിയെയാണ് വിനേഷ് ഫോഗട്ട് തോൽപ്പിച്ചത്. 3–2നാണ് വിനേഷിന്റെ വിജയം. വിനേഷ് ഫോഗട്ടിന്റെ സെമി ഫൈനൽ പോരാട്ടം ഇന്നു രാത്രിയാണ്.  ഇന്ത്യൻ സമയം രാത്രി 10.20ന് വിനേഷ് ഫോഗട്ട് ക്യൂബൻ താരം യുസ്‌നെലിസ് ലോപ്പസിനെ നേരിടും. പാൻ അമേരിക്കൻ ഗെയിംസ് ചാംപ്യനാണ് ലോപസ്.