ഏഷ്യന്‍ ഗെയിംസ് 2023 : ആറാം ദിനത്തില്‍ രണ്ടാം സ്വര്‍ണം വെടിവച്ചിട്ട് ഷൂട്ടിങ് ടീം
മുന്‍ എംഎല്‍എ എം കെ പ്രേംനാഥ് അന്തരിച്ചു
September 29, 2023
നായ സംരക്ഷണത്തിന്റെ മറവില്‍ കഞ്ചാവുകച്ചവടം ; ബാഗ് വീട്ടില്‍ കൊണ്ടു വച്ച് കുടുക്കിയത് സുഹൃത്ത്’: റോബിന്‍
September 29, 2023
ഹാങ്ചൗ : ഏഷ്യന്‍ ഗെയിംസില്‍ ആറാം ദിനത്തില്‍ രണ്ടാം സ്വര്‍ണം വെടിവച്ചിട്ട് ഷൂട്ടിങ് ടീം. വനിതകളുടെ പത്ത് മീറ്റര്‍ എയര്‍ പിസ്റ്റള്‍ വിഭാഗത്തില്‍ സ്വര്‍ണവും വെള്ളിയും ഇന്ത്യന്‍ താരങ്ങള്‍ക്ക്. പാലക് ആണ് ഇന്ത്യയ്ക്കായി എട്ടാം സ്വര്‍ണം നേടിയത്. ഇഷ സിങ് വെള്ളിയും സ്വന്തമാക്കി.
242.1 പോയിന്റ് നേടിയാണ് 17കാരിയായ പാലകിന്റെ സുവര്‍ണ നേട്ടം. 239.7 പോയിന്റുകള്‍ സ്വന്തമാക്കിയാണ് ഇഷ സിങ് വെള്ളി നേട്ടത്തിലെത്തിയത്. ഈ ഇനത്തില്‍ വെങ്കലം പാകിസ്ഥാന്റെ തലത് കിഷ്മാലയ്ക്കാണ്.
എട്ട് സ്വര്‍ണവും 11 വീതം വെള്ളി വെങ്കലവുമായി ഇന്ത്യയുടെ ആകെ മെഡല്‍ നേട്ടം 30ല്‍ എത്തി. പട്ടികയില്‍ നാലാം സ്ഥാനത്താണ് ഇന്ത്യ.
ഷൂട്ടിങില്‍ മാത്രം ഇന്ത്യ ആറ് സ്വര്‍ണം വെടിവച്ചിട്ടു. ഇത്തവണ ഷൂട്ടിങില്‍ സ്വര്‍ണം, വെള്ളി, വെങ്കല മെഡുലുകളുടെ ആകെ എണ്ണം 17ല്‍ എത്തിക്കാനും ഇന്ത്യന്‍ താരങ്ങള്‍ക്കായി. ഏഷ്യന്‍ ഗെയിംസില്‍ ഇന്ത്യന്‍ ഷൂട്ടിംഗ് ടീമിന്റെ ഏറ്റവും മികച്ച പ്രകടനമാണിത്. 2006 ദോഹ ഗെയിംസിലെ 14 മെഡല്‍ നേട്ടമാണ് മറികടന്നത്.
നേരത്തെ ഇന്ന് 50 മീറ്റര്‍ റൈഫിള്‍ പൊസിഷന്‍ 3 വിഭാഗത്തില്‍ പുരുഷ ടീമാണ് സ്വര്‍ണം നേടിയത്. ഇന്ത്യയുടെ ഐശ്വര്യപ്രതാപ് സിങ് തോമര്‍, സ്വപ്നില്‍ കുസാലെ, അഖില്‍ ഷിയോറന്‍ എന്നിവരടങ്ങിയ ടീമാണ് സ്വര്‍ണം വെടിവെച്ചിട്ടത്.
ലോകറെക്കോര്‍ഡോടെയാണ് ഇന്ത്യയുടെ സ്വര്‍ണനേട്ടം. 10 മീറ്റര്‍ എയര്‍ പിസ്റ്റള്‍ ടീം ഇനത്തില്‍ ഇന്ത്യന്‍ വനിതകള്‍ വെള്ളിയും മെഡല്‍ നേടിയിരുന്നു.
