തിരുവനന്തപുരം ഔട്ടര്‍ റിങ് റോഡിനും പാലക്കാട് – കോഴിക്കോട് ഗ്രീന്‍ഫീല്‍ഡ് റോഡിനും അനുമതി ജൂലായോടെ : പിഎ മുഹമ്മദ് റിയാസ്
ഇരിങ്ങാലക്കുടയില്‍ അമ്മയും മകളും മരിച്ച നിലയില്‍
June 4, 2025
12 രാജ്യങ്ങളിലെ പൗരന്‍മാര്‍ അമേരിക്കയിലേക്ക് യാത്രാ വിലക്കുമായി ട്രംപ്
June 5, 2025
ന്യൂഡല്‍ഹി : തിരുവനന്തപുരം ഔട്ടര്‍ റിങ് റോഡ് പദ്ധതിക്ക് കേന്ദ്രസര്‍ക്കാരിന്റെ അനുമതി ലഭിച്ചതായി ഗതാഗതമന്ത്രി പിഎ മുഹമ്മദ് റിയാസ്. ജൂലായ് അവസാനത്തോടെ ഇത് സംബന്ധിച്ച് ഉത്തരവിറങ്ങുമെന്ന് കേന്ദ്ര ഗതാഗതമന്ത്രി നിതിന്‍ ഗഡ്കരി ഉറപ്പുനല്‍കിയതായി പിഎ മുഹമ്മദ് റിയാസ് വാര്‍ത്താ സമ്മേളനത്തില്‍ പറഞ്ഞു. തിരുവന്തപുരത്തുമാത്രമുള്ളവര്‍ക്ക് മാത്രമല്ല കേരളത്തിലെ എല്ലാവര്‍ക്കും സന്തോഷം നല്‍കുന്നതാണ് ഔട്ടര്‍ റിങ് റോഡെന്നും മന്ത്രി പറഞ്ഞു.
എന്‍എച്ച് 966ലെ ഗതാഗതകുരുക്ക് ഒഴിവാക്കാനായി പാലക്കാട് മലപ്പുറം കോഴിക്കോട് ഗ്രീന്‍ഫീല്‍ഡ് ഹൈവേയുമായി ബന്ധപ്പെട്ട കാര്യങ്ങള്‍ക്ക് ജൂലായില്‍ അംഗീകാരം നല്‍കാമെന്ന് അറിയിച്ചു. കൊല്ലം ചെങ്കോട്ട ഗ്രീന്‍ഫീല്‍ഡ് ഹൈവേ പദ്ധതിക്ക് സെപ്റ്റംബറോടെ അനുമതി ലഭിക്കും. എറണാകുളം ബൈപ്പാസിന് തത്വത്തില്‍ അംഗീകാരം കിട്ടിയതായും ആറ് മാസത്തിനുള്ളില്‍ മറ്റെല്ലാം കാര്യങ്ങളും പൂര്‍ത്തിയാക്കുമെന്നും മന്ത്രി പറഞ്ഞു.
2026ന്റെ പുതുവര്‍ഷ സമ്മാനമായി ദേശീയപാത 66ന്റെ പണി പൂര്‍ത്തിയാക്കി നാടിന് സമര്‍പ്പിക്കുമെന്ന് മന്ത്രി പിഎ മുഹമ്മദ് റിയാസ് പറഞ്ഞു ദേശീയപാത നിര്‍മാണവുമായി ബന്ധപ്പെട്ട പ്രശ്നങ്ങളുമായി ഗതാഗതമന്ത്രി നിതിന്‍ ഗഡ്കരിയുമായി നടത്തിയ കൂടിക്കാഴ്ചയ്ക്ക് ശേഷം മാധ്യമങ്ങളോട് സംസാരിക്കുകയായിരുന്നു മുഹമ്മദ് റിയാസ്. ഈ വര്‍ഷം ഡിസംബറില്‍ തന്നെ ദേശീയപാത നിര്‍മാണം പൂര്‍ത്തികരിക്കാനാകുമെന്ന് ഗഡ്കരി ഉറപ്പുനല്‍കിയതായും മന്ത്രി ഡല്‍ഹിയില്‍ മാധ്യമങ്ങളോട് പറഞ്ഞു.
ജഗപൊകയായി പണി പൂര്‍ത്തികരിക്കുക എന്നതല്ല സമയബന്ധിതമായി പണി പൂര്‍ത്തിയാക്കുകയാണ് നാടാകെ ആഗ്രഹിക്കുന്നതെന്ന് മന്ത്രി പറഞ്ഞു. ദേശീയപാതയുടെ അലൈന്‍മെന്റ് മുതല്‍ നിര്‍മാണ പ്രവര്‍ത്തനങ്ങളെല്ലാം ദേശീയപാത അതോറിറ്റിയാണ് നടത്തിയത്. ചില റീച്ചുകളില്‍ ചില പ്രശ്നങ്ങളുണ്ടെന്നല്ലാതെ പൊതുവെ നല്ലരീതിയിലാണ് നിര്‍മാണം പുരോഗമിക്കുന്നത്. അതിന് ആവശ്യമായ എല്ലാ സഹായവും നിലവില്‍ ചെയ്തതുപോലെ തുടര്‍ന്നും നടത്തുമെന്ന് മന്ത്രി പറഞ്ഞു.
ദേശീയപാത നിര്‍മാണത്തിന്റെ ദൗര്‍ഭാഗ്യകരമായ സംഭവത്തെക്കുറിച്ച് സംസ്ഥാനത്തിന്റെ അഭിപ്രായം നേരത്തതന്നെ ഉദേശീയപാത അതോറിറ്റിയെയും കേന്ദ്രസര്‍ക്കാരിനെയും അറിയിച്ചിരുന്നു. അത് ഇന്നത്തെ യോഗത്തിലും വിശദമായി ചര്‍ച്ച ചെയ്തു. നിര്‍മാണവുമായി ബന്ധപ്പെട്ട് തെറ്റായ തരത്തിലുള്ള പ്രവണതയോട് ഒരുതരത്തിലും സന്ധി ചെയ്യരുതെന്നുള്ള സംസ്ഥാനത്തിന്റെ അഭിപ്രായം ശരിവെക്കുന്ന നിലപാടാണ് കേന്ദ്രമന്ത്രിയുടെ ഭാഗത്തുനിന്നുണ്ടായത്. വീഴ്ചയുമായി ബന്ധപ്പെട്ട് ദേശീയപാത അതോറിറ്റി അതിന്റെ ഉത്തരവാദിത്തപ്പെട്ടവരെ സസ്പെന്‍ഡ് ചെയ്തു.കരാര്‍ കമ്പനിയെ തുടര്‍ പ്രവര്‍ത്തനത്തില്‍ നിന്ന് വിലക്കുകയും ചെയ്തിട്ടുണ്ട്.
മലപ്പുറം ജില്ലയിലെ കൂരിയാട് മാത്രമല്ല, മറ്റ് പ്രദേശങ്ങളിലെയും ചില നിര്‍മാണ പ്രശ്നങ്ങള്‍ വീഡിയോ സഹിതം സര്‍ക്കാരിന്റെ ശ്രദ്ധയില്‍പ്പെടുത്തി. കൂരിയാട് 360 മീറ്റര്‍ നീളത്തില്‍ വയഡക്ട് നിര്‍മിക്കും. പ്രശ്നങ്ങളുള്ള ഇടങ്ങളില്‍ നിര്‍മാണത്തിന്റെ കാര്യത്തില്‍ പ്രത്യേകം ശ്രദ്ധിക്കുമെന്ന് കേന്ദ്രമന്ത്രി നിതിന്‍ ഗഡ്കരിക്ക് മുഖ്യമന്ത്രിക്ക് ഉറപ്പുനല്‍കിയിട്ടുണ്ട്. ലോകത്ത് എവിടെയുമുള്ള മലയാളിയുടെ സ്വപ്നപദ്ധതിയാണ് എന്‍എച്ച് 66. ഒട്ടേറെ പ്രതിസന്ധികളെ മറികടന്നാണ് ഭൂമി ഏറ്റെടുക്കലും മറ്റുംപൂര്‍ത്തിയാക്കിയത്. 5600 കോടി രൂപയാണ് ദേശീയപാതയ്ക്കായി സംസ്ഥാന സര്‍ക്കാര്‍ മാറ്റിവച്ചതെന്നും മന്ത്രി പറഞ്ഞു.
