അരിയിൽ ഷുക്കൂർ കേസ്‌ തുടരന്വേഷിക്കണം: പി ജയരാജൻ

കണ്ണൂർ: അരിയിൽ ഷുക്കൂർ വധക്കേസ്‌ തുടരന്വേഷിക്കണമെന്നാവശ്യപ്പെട്ട്‌ സിബിഐക്ക്‌ കത്ത്‌ അയച്ചതായി സിപിഎം സംസ്ഥാന കമ്മിറ്റി അംഗം പി ജയരാജൻ . കെപിസിസി സെക്രട്ടറി ബിആർഎം ഷഫീർ കണ്ണൂരിൽ നടത്തിയ വെളിപ്പെടുത്തലിന്റെ അടിസ്ഥാനത്തിലാണ്‌ കത്തയച്ചതെന്നും മാധ്യമപ്രവർത്തകരോട്‌ പറഞ്ഞു.

കെപിസിസി പ്രസിഡന്റ്‌ കെ സുധാകരൻ പൊലീസിനെ വിരട്ടിയാണ്‌ പി ജയരാജനെയും ടി വി രാജേഷിനെയും കേസിൽ പ്രതിചേർത്തതെന്നും ഡൽഹിയിൽ ചെന്ന്‌ സിബിഐയിലും സമ്മർദം ചെലുത്തിയെന്നും ഷഫീർ വെളിപ്പെടുത്തിയിരുന്നു. ഇത്‌ സുധാകരൻ നിഷേധിച്ചിട്ടില്ല. രാഷ്‌ട്രീയ വൈരാഗ്യത്തിന്റെ പേരിലുള്ള ഇടപെടലാണ്‌ നടന്നതെന്ന്‌ വ്യക്തമാണെന്നും പി ജയരാജൻ പറഞ്ഞു.ഷ​ഫീ​റി​ന്‍റെ പ്ര​സം​ഗം അ​ട​ങ്ങു​ന്ന കാ​സ​റ്റും സി​ബി​ഐ ഡ​യ​റ​ക്ട​ര്‍​ക്ക് കൈ​മാ​റി​യെ​ന്നും അ​ദ്ദേ​ഹം പ​റ​ഞ്ഞു.

കെ.​സു​ധാ​ക​ര​നെ​തി​രെ ക​ള്ള​ക്കേ​സെ​ടു​ത്തെ​ന്ന് ആ​രോ​പി​ച്ച് ക​ണ്ണൂ​രി​ല്‍ ഡി​സി​സി സം​ഘ​ടി​പ്പി​ച്ച രാ​ഷ്ട്രീ​യ വി​ശ​ദീ​ക​ര​ണ യോ​ഗ​ത്തി​ലെ പ്ര​സം​ഗ​ത്തി​ല്‍ ഷ​ഫീ​ര്‍ ന​ട​ത്തി​യ പ​രാ​മ​ര്‍​ശ​മാ​ണ് വി​വാ​ദ​മാ​യ​ത്. അ​രി​യി​ല്‍ ഷു​ക്കൂ​ര്‍ വ​ധ​ക്കേ​സി​ല്‍ പി.​ജ​യ​രാ​ജ​നും ടി.​വി.​രാ​ജേ​ഷും പ്ര​തി​യാ​യ​തി​നു പി​ന്നി​ല്‍ കെ.​സു​ധാ​ക​ര​ന്‍റെ വി​യ​ര്‍​പ്പു​ണ്ടെ​ന്നാ​യി​രു​ന്നു ഷ​ഫീ​റി​ന്‍റെ പ​രാ​മ​ര്‍​ശം.

2012 ഫെ​ബ്രു​വ​രി 20ന് ​ക​ണ്ണ​പു​രം കീ​ഴ​റ വ​ള്ളു​വ​ന്‍​ക​ട​വി​ന് അ​ടു​ത്താ​ണ് എം​എ​സ്എ​ഫ് പ്രാ​ദേ​ശി​ക നേ​താ​വാ​യി​രു​ന്ന അ​രി​യി​ല്‍ ഷു​ക്കൂ​ര്‍ (24) കൊ​ല്ല​പ്പെ​ടു​ന്ന​ത്. ഈ ​കേ​സി​ന്‍റെ ഗൂ​ഢാ​ലോ​ച​ന​യി​ല്‍ പി.​ജ​യ​രാ​ജ​നെ​യും ടി.​വി.​രാ​ജേ​ഷി​നെ​യും സി​ബി​ഐ പ്ര​തി ചേ​ര്‍​ത്തി​രു​ന്നു.