കുട്ടിയെ തട്ടിക്കൊണ്ടുപോയ കേ​സ്: അന്വേഷണം കൊ​ല്ലം ജില്ലയ്ക്ക് പുറത്തേക്കും

കൊ​ല്ലം : ഓയൂരിൽ കുട്ടിയെ തട്ടിക്കൊണ്ട് പോയ കേസിൽ നിർണ്ണായക വിവരങ്ങൾ അന്വേഷണ സംഘത്തിന്. പ്രതികൾ കുട്ടിയുമായി സഞ്ചരിക്കുന്ന കൂടുതൽ സി സി ടി വി ദ്യശ്യങ്ങളാണ് പ്രത്യേക അന്വേഷണ സംഘത്തിന് ലഭിച്ചത്. കേസിൽ കുട്ടിയുടെ പിതാവിനെ ഇന്ന് വീണ്ടും വിളിച്ചു വരുത്തി മൊഴിയെടുക്കും. അന്വേഷണത്തിൻ്റെ ഭാഗമായിയുണ്ടായ സംശയത്തിൻ്റെ കൂടി അടിസ്ഥാനത്തിലാണ് പിതാവിൻ്റെ മൊഴി വീണ്ടുo എടുക്കുന്നത്. പ്രതികൾക്കായി കൊ​ല്ലം ജില്ലയ്ക്ക് പുറത്തേക്കുo അന്വേഷണം വ്യാപിപ്പിച്ചു.

കേസിൽ കുട്ടിയെ തട്ടിക്കൊണ്ടു പോകാൻ ഉപയോ​ഗിച്ച കാറിന്റെ നമ്പർ പ്ലേറ്റ് നിർമ്മിച്ചയാൾ പിടിയിലായിരുന്നു. പിടികൂടിയ ആളെ ചോദ്യം ചെയ്യുകയാണ്. ഡിഐജിയുടെ നേതൃത്വത്തിലാണ് ചോദ്യം ചെയ്യൽ. നമ്പർ പ്ലേറ്റ് നിർമിച്ചവർ പൊലീസിനെ അറിയിക്കണമെന്ന് പൊലീസ് ആവശ്യപ്പെട്ടിരുന്നു. നേരത്തെ സംഘത്തിലെ രണ്ടു പേരുടെ രേഖാചിത്രം പുറത്തുവിട്ടിരുന്നു. കുട്ടി പറഞ്ഞ വിവരങ്ങൾ അടിസ്ഥാനമാക്കിയാണ് പുതിയ രേഖാചിത്രം തയാറാക്കിയത്. തട്ടിക്കൊണ്ടു പോയ സംഘത്തിൽ രണ്ടു സ്ത്രീകൾ ഉണ്ടെന്ന് കുട്ടി പൊലീസിന് മൊഴി നൽകിയിരുന്നു. ഒരു സ്ത്രീയുടെയും പുരുഷന്റെയും രേഖാചിത്രമാണ് പുറത്തുവിട്ടിരിക്കുന്നത്. ആസൂത്രിതമായാണ് കുട്ടിയെ തട്ടിക്കൊണ്ടു പോയതെന്നാണ് പൊലീസ് നിഗമനം.

ആ​റ് വ​യ​സു​കാ​രി​യെ ത​ട്ടി​ക്കൊ​ണ്ട് പോ​യ കേ​സു​മാ​യി ബ​ന്ധ​പ്പെ​ട്ട് ചി​റ​ക്ക​ര സ്വ​ദേ​ശി​യെ പൊലീ​സ് ക​സ്റ്റ​ഡി​യി​ലെ​ടു​ത്ത​താ​യി റി​പ്പോ​ർ​ട്ട്. ഇ​യാ​ളാ​ണ് കാ​ർ വാ​ട​ക​യ്ക്ക് കൊ​ടു​ത്ത​തെ​ന്നാ​ണ് സൂ​ച​ന.ഇ​ക്കാ​ര്യ​ത്തി​ൽ അ​ന്വേ​ഷ​ണ ഉ​ദ്യോ​ഗ​സ്ഥ​രു​ടെ ഭാ​ഗ​ത്ത് നി​ന്നും സ്ഥി​രീ​ക​ര​ണം ല​ഭി​ക്കാ​നു​ണ്ട്. കേ​സി​ൽ ഇ​ന്ന് വീ​ണ്ടും കു​ട്ടി​യു​ടെ അ​ച്ഛ​ന്‍റെ മൊ​ഴി​യെ​ടു​ക്കും. കു​ട്ടി​യു​ടെ പി​താ​വ് താ​മ​സി​ച്ചി​രു​ന്ന പ​ത്ത​നം​തി​ട്ട​യി​ലെ ഫ്ലാ​റ്റി​ൽ പ്ര​ത്യേ​ക പൊ​ലീ​സ് സം​ഘം പ​രി​ശോ​ധ​ന ന​ട​ത്തി​യി​രു​ന്നു. ഇ​വി​ടെ​യു​ള്ള സ്വ​കാ​ര്യ ആ​ശു​പ​ത്രി​യി​ലെ ജീ​വ​ന​ക്കാ​ര​നാ​ണ് കു​ട്ടി​യു​ടെ പി​താ​വാ​യ റെ​ജി. റെ​ജി​യു​ടെ ഒ​രു ഫോ​ൺ അ​ന്വേ​ഷ​ണ​സം​ഘം കൊ​ണ്ടു​പോ​യെ​ന്നും വി​വ​ര​മു​ണ്ട്.

പ​ത്ത​നം​തി​ട്ട ന​ഗ​ര​ത്തി​ലെ സ്വ​കാ​ര്യ ആ​ശു​പ​ത്രി​യി​ൽ ക​ഴി​ഞ്ഞ 10 വ​ർ​ഷ​മാ​യി റെ​ജി ജോ​ലി ചെ​യ്യു​ന്നു​ണ്ട്. ഇ​വി​ടെ​യ​ടു​ത്തു​ള്ള ഫ്ലാ​റ്റി​ലാ​ണ് റെ​ജി താ​മ​സി​ച്ചി​രു​ന്ന​ത്. ഈ ​കെ​ട്ടി​ട​ത്തി​ലാ​ണ് ഇ​ന്ന് വൈ​കു​ന്നേ​രം പൊ​ലീ​സെ​ത്തി പ​രി​ശോ​ധി​ച്ച​ത്.കേ​സി​ൽ അ​ന്വേ​ഷ​ണം ന​ഴ്സിം​ഗ് സം​ഘ​ട​ന​യി​ലേ​ക്കും നീ​ളു​ക​യാ​ണെ​ന്ന് വ്യാ​ഴാ​ഴ്ച റി​പ്പോ​ർ​ട്ട് വ​ന്നി​രു​ന്നു. ന​ഴ്‌​സു​മാ​രു​ടെ സം​ഘ​ട​ന​യി​ലെ ത​ർ​ക്ക​മാ​ണ് പൊലീ​സ് അ​ന്വേ​ഷ​ണ പ​രി​ധി​യി​ലു​ള്ള​ത്. കു​ട്ടി​യു​ടെ പി​താ​വ് റെ​ജി യു​ണൈ​റ്റ​ഡ് ന​ഴ്സ​സ് അ​സോ​സി​യേ​ഷ​ന്‍റെ പ​ത്ത​നം​തി​ട്ട ജി​ല്ലാ പ്ര​സി​ഡ​ന്‍റ് കൂ​ടി​യാ​ണ്. ഈ ​സ്ഥാ​ന​വു​മാ​യി ത​ട്ടി​ക്കൊ​ണ്ടു​പോ​ക​ലി​ന് ബ​ന്ധ​മു​ണ്ടോ​യെ​ന്നും പൊ​ലീ​സ് പ​രി​ശോ​ധി​ക്കു​ന്നു​ണ്ട്.