ഓപ്പറേഷന് ‘അഖാല്’ : കുല്ഗാമില് ഏറ്റുമുട്ടലില് ഒരു ഭീകരനെ സുരക്ഷാ സേന വധിച്ചു
വോട്ടര് പട്ടിക പരിഷ്കരണം : ബിഹാറില് 65 ലക്ഷത്തോളം പേരെ ഒഴിവാക്കിയുള്ള കരട് വോട്ടര് പട്ടിക പ്രസിദ്ധീകരിച്ചു
August 2, 2025
സംസ്ഥാന സിനിമ നയം രൂപീകരണം : ഫിലിം കോൺക്ലേവ് ഇന്നും നാളെയുമായി തിരുവനന്തപുരത്ത്
August 2, 2025
ശ്രീനഗര് : ജമ്മു കശ്മീരിലെ കുല്ഗാം ജില്ലയിലുണ്ടായ ഏറ്റുമുട്ടലില് ഒരു ഭീകരനെ വധിച്ചതായി സൈന്യം. തീവ്രവാദികള് വനമേഖലയില് ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്ന്ന് സൈന്യം തിരച്ചില് നടത്തുകയായിരുന്നു. ഓപ്പറേഷന് തുടരുകയാണെന്ന് സൈന്യം അറിയിച്ചു. ഓപ്പറേഷന് ‘അഖാല്’ എന്ന പേരിലായിരുന്നു സൈനിക നീക്കം.
ഏപ്രില് 22 ന് പഹല്ഗാമില് 26 പേരുടെ മരണത്തിനിടയാക്കിയ ഭീകരാക്രമണത്തിന് നേതൃത്വം നല്കിയ മൂന്ന് തീവ്രവാദികളെ വധിച്ചതിന് ദിവസങ്ങള്ക്ക് ശേഷമാണ് ഏറ്റുമുട്ടല്. ജൂലൈ 28ന് ശ്രീനഗറിനു സമീപം ദച്ചിന്ഗാമിലെ ലിഡ് വാസിലെ വനമേഖലയില് നടത്തിയ ‘ഓപ്പറേഷന് മഹാദേവി’ലൂടെയാണ് ഭീകരാക്രമണത്തിന്റെ സൂത്രധാരന് ഹാഷിം മൂസ, ജിബ്രാന്, ഹംസ അഫ്ഗാനി എന്നിവരെ സൈന്യം വധിച്ചത്.
