മൂ​ന്ന് മ​ണി​ക്കൂ​ര്‍ സ​മ​യം കൊണ്ട് പിന്നിട്ടത് 10 കി​ലോ​മീ​റ്റ​ര്‍ ദൂ​രംമാത്രം, ഉമ്മൻചാണ്ടിയുടെ വിലാപയാത്ര ചിറ്റാഴയിൽ

തി​രു​വ​ന​ന്ത​പു​രം: മു​ന്‍ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി​യു​ടെ ഭൗ​തി​ക​ശ​രീ​രം വ​ഹി​ച്ചു​കൊ​ണ്ടു​ള്ള വി​ലാ​പ​യാ​ത്ര ചിറ്റാഴയിലെത്തി . രാ​വി​ലെ 7:20ന് ​പു​തു​പ്പ​ള്ളി ഹൗ​സി​ല്‍​നി​ന്ന് ആ​രം​ഭി​ച്ച യാ​ത്ര മൂ​ന്ന് മ​ണി​ക്കൂ​ര്‍ സ​മ​യം കൊ​ണ്ടാ​ണ് 10 കി​ലോ​മീ​റ്റ​ര്‍ ദൂ​രം പി​ന്നി​ട്ട​ത്.

ജനങ്ങള്‍ പെരുമഴ പോലും വകവയ്ക്കാതെ പൂക്കള്‍ അര്‍പ്പിച്ചും കൈകള്‍ കൂപ്പിയും സ്മരണാഞ്ജലികള്‍ അര്‍പ്പിച്ചു. വിലാപയാത്ര നാലാഞ്ചിറയിൽ എത്തിയപ്പോൾ കനത്ത മഴയായിട്ടും അത് വകവയ്‌ക്കാതെ പ്രിയപ്പെട്ട നേതാവിനെ അവസാനമായി ഒരുനോക്ക് കാണാൻ ജനം തിങ്ങിക്കൂടി. കേശവദാസപുരം, വെഞ്ഞാറമൂട്, കിളിമാനൂര്‍, കൊട്ടാരക്കര, അടൂര്‍, പന്തളം, ചെങ്ങന്നൂര്‍, തിരുവല്ല, ചങ്ങനാേശരി വഴി കോട്ടയത്തെത്തും.

കോ​ട്ട​യം തി​രു​ന​ക്ക​ര മൈ​താ​ന​ത്ത് വൈ​കു​ന്നേ​രം പൊ​തു​ദ​ര്‍​ശ​ന​മു​ണ്ടാ​കും. തു​ട​ര്‍​ന്ന് രാ​ത്രി​യോ​ടെ പു​തു​പ്പ​ള്ളി​യി​ലെ കു​ടും​ബ​വീ​ട്ടി​ല്‍ ഭൗ​തി​ക​ശ​രീ​രം എ​ത്തി​ക്കും. വ്യാ​ഴാ​ഴ്ച ഉ​ച്ച​യ്ക്ക് 12നു ​ഭ​വ​ന​ത്തി​ല്‍ സം​സ്‌​കാ​ര ശു​ശ്രൂ​ഷ ആ​രം​ഭി​ക്കും. ഭ​വ​ന​ത്തി​ലെ​യും പ​ള്ളി​യി​ലെ​യും സം​സ്‌​കാ​ര ശു​ശ്രൂ​ഷ​ക്കു മ​ല​ങ്ക​ര ഓ​ര്‍​ത്ത​ഡോ​ക്‌​സ് സ​ഭാ​ധ്യ​ക്ഷ​ന്‍ മാ​ര്‍​ത്തോ​മ മാ​ത്യൂ​സ് തൃ​തീ​യ​ന്‍ കാ​തോ​ലി​ക്ക ബാ​വാ മു​ഖ്യ​കാ​ര്‍​മി​ക​ത്വം വ​ഹി​ക്കും.