പ്രിയകലാലയവും ഉമ്മൻചാണ്ടിക്ക് വിട നൽകി, വിലാപയാത്ര ചങ്ങനാശേരിയിൽ

കോട്ടയം : മുൻ മുഖ്യമന്ത്രി ഉമ്മൻ ചാണ്ടിയുടെ ഭൗതികശരീരം വഹിച്ചു കൊണ്ടുള്ള വിലാപയാത്ര കോട്ടയം ജില്ലയിൽ പ്രവേശിച്ചു. പെരുന്നയിൽ എൻഎസ്എസ്  ആസ്ഥാനത്ത് ജനറൽ സെക്രട്ടറി ജി.സുകുമാരൻ നായർ ആദരാഞ്ജലികൾ അർപ്പിച്ചു. മ​ക​ൻ ചാ​ണ്ടി ഉ​മ്മ​നെ അ​ദ്ദേ​ഹം ആ​ശ്വ​സി​പ്പി​ച്ചു. യാത്ര ആരംഭിച്ചിട്ട്  24 മണിക്കൂറിലേക്കു കടക്കുമ്പോൾ ഇപ്പോൾ ചങ്ങനാശേരിയിലൂടെയാണു വിലാപ യാത്ര കടന്നു വരുന്നത്. 

ഉമ്മൻ ചാണ്ടി പഠിച്ച  കലാലയമായ എസ് ബി കോളേജിന് മുന്നിലും ആദരാഞ്ജലി അർപ്പിക്കാൻ വഴിയരികിൽ ആളുകൾ കാത്തു നിന്നു. തിരുനക്കര എത്താനായി  ഇനി പിന്നിടാനുള്ളത് 18കിലോമീറ്റർ ദൂരമാണ് . ജനബാഹുല്യം നിമിത്തം വിലാപയാത്ര  രാത്രി 61 കിലോമീറ്റർ പിന്നിട്ടത് 10 മണിക്കൂറെടുത്താണ് .വി​ട​വാ​ങ്ങി​യ പ്രി​യ നേ​താ​വി​നെ അ​വ​സാ​ന​മാ​യി ഒ​രു​നോ​ക്ക് കാ​ണാ​ന്‍ ക​ണ്ണീ​ര​ണി​ഞ്ഞ് ആ​യി​ര​ങ്ങ​ളാ​ണ് വ​ഴി​യി​ല്‍ ത​ടി​ച്ചു കൂ​ടി​യി​രി​ക്കു​ന്ന​ത്. സം​സ്ഥാ​ന​ത്തി​ന്‍റെ പ​ല ഭാ​ഗ​ങ്ങ​ളി​ൽ നി​ന്ന് ഒ​ഴു​കി​യെ​ത്തി​യ ജ​ന​ങ്ങ​ളെ കൊ​ണ്ട് ജ​ന​സാ​ഗ​ര​മാ​യി എം​സി റോ​ഡ് മാ​റി.ബു​ധ​നാ​ഴ്ച രാ​വി​ലെ ഏ​ഴി​ന് തി​രു​വ​ന​ന്ത​പു​ര​ത്തെ ജ​ഗ​തി​യി​ല്‍ നി​ന്നും ആ​രം​ഭി​ച്ച വി​ലാ​പ​യാ​ത്ര 23 മ​ണി​ക്കൂ​ര്‍ പി​ന്നി​ട്ട​പ്പോ​ഴാ​ണ് ച​ങ്ങ​നാ​ശേ​രി​യി​ൽ എ​ത്തി​യ​ത്.