പതിനായിരങ്ങളുടെ ഉള്ളുലച്ച് ഉമ്മൻചാണ്ടിയുടെ ഭൗതിക ശരീരം പുതുപ്പള്ളി പള്ളിയിലെത്തി, വിലാപയാത്രക്കൊപ്പം രാഹുൽഗാന്ധിയും

കോട്ടയം: പതിനായിരക്കണക്കിന് ജനങ്ങളുടെ ഉള്ളുലച്ച് തൊണ്ടയിടറുന്ന മുദ്രാവാക്യം വിളികൾക്കിടയിലൂടെയും വിലാപഗാനത്തിന്റെ അകമ്പടിയോടെയും ഉമ്മൻചാണ്ടിയുടെ ഭൗതിക ശരീരം പുതുപ്പള്ളി പള്ളിയിലെത്തി.  ആയിരക്കണക്കിന് ആളുകളുടെ പരാതികൾക്ക് പരിഹാരം കണ്ട തറവാട്ടു വീട്ടിലും നിർമാണത്തിലിരിക്കുന്ന പുതിയ വീട്ടിലും പൊതുദർശനവും പ്രാർഥനയും കഴിഞ്ഞശേഷമാണ് പള്ളിയിലേക്കുള്ള വിലാപ യാത്ര ആരംഭിച്ചത്. കോൺഗ്രസ് നേതാവ് രാഹുൽ ഗാന്ധി ഉൾപ്പെടെ ഉള്ളവർ വിലാപ യാത്രയിൽ പങ്കെടുത്തു.പള്ളിയിലെ പൊതുദർശന ചടങ്ങുകൾ ആരംഭിച്ചു.

അക്ഷര നഗരിയിൽ ജനലക്ഷങ്ങളുടെ സ്നേഹാദരങ്ങൾ ഏറ്റുവാങ്ങിയാണ് ഉമ്മൻചാണ്ടി തന്റെ സ്വന്തം പുതുപ്പള്ളിയിലെത്തിയത്. പ്രിയപ്പെട്ട തങ്ങളുടെ സ്വന്തം കുഞ്ഞൂഞ്ഞിനെ കാണാന്‍ പതിനായിരക്കണക്കിന് ആളുകളാണ് പുതുപ്പള്ളി ജംങ്ഷനിലെത്തിയത്. സംസ്കാര ചടങ്ങിൽ‌ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ മുഖ്യകാർമികത്വം വഹിക്കുന്നു. കർദിനാൾ മാർ ആലഞ്ചേരിയും പങ്കെടുക്കുന്നു.

നേ​താ​ക്ക​ളെ​യും പൊലീ​സു​കാ​രെ​യും അ​മ്പ​ര​പ്പി​ച്ച് രാ​ഹു​ൽ ഗാന്ധിയും വി​ലാ​പ​യാ​ത്ര​യി​ൽ പ​ങ്കു​ചേ​ർ​ന്നു. രാ​ത്രി ഏ​ഴോ​ടെ പു​തു​പ്പ​ള്ളി പ​ള്ളി​യി​ലെ​ത്തി​യ രാ​ഹു​ൽ അ​വി​ടെ കാ​ത്തി​രി​ക്കു​ക​യാ​യി​രു​ന്നു.ഉ​മ്മ​ൻ ചാ​ണ്ടി​യു​ടെ പു​തി​യ വീ​ട്ടി​ലെ​ത്തി അ​ന്തി​മോ​പ​ചാ​രം അ​ർ​പ്പി​ച്ച് വി​ലാ​പ​യാ​ത്ര​യാ​യി പ​ള്ളി​യി​ലേ​ക്ക് എ​ത്താ​നാ​യി​രു​ന്നു രാ​ഹു​ൽ പ​ദ്ധ​തി​യി​ട്ടി​രു​ന്ന​ത്. എ​ന്നാ​ൽ ​ വ​ലി​യ ജ​നാ​വ​ലി​യു​ടെ ഇ​ട​യി​ൽ സു​ര​ക്ഷാ പ്ര​ശ്നം ചൂ​ണ്ടി​ക്കാ​ട്ടി രാ​ഹു​ലി​നെ വി​ല​ക്കി.

പു​തി​യ വീ​ട്ടി​ലെ ശു​ശ്രൂ​ഷ​ക​ൾ​ക്ക് ശേ​ഷം ഉ​മ്മ​ൻ ചാ​ണ്ടി​യു​ടെ കു​ടും​ബാം​ഗ​ങ്ങ​ളും നേ​താ​ക്ക​ളും പ​ള്ളി​യി​ലേ​ക്ക് എ​ത്തി. ഈ ​സ​മ​യം മൃ​ത​ശ​രീ​ര​വും വ​ഹി​ച്ചു​ള്ള വാ​ഹ​നം പ​ള്ളി​യി​ലേ​ക്ക് നീ​ങ്ങി. ജ​നാ​വ​ലി വാ​ഹ​ന​ത്തെ പി​ന്തു​ട​ർ​ന്നു. ഇ​തി​നി​ടെ​യാ​ണ് അ​പ്ര​തീ​ക്ഷി​ത​മാ​യി രാ​ഹു​ൽ ഗാ​ന്ധി ചാ​ണ്ടി ഉ​മ്മ​നെ​യും വി​ളി​ച്ച് ത​ന്‍റെ കാ​റി​ൽ ക​യ​റ്റി വി​ലാ​പ​യാ​ത്ര​യ്ക്ക് അ​രി​കിലേ​ക്ക് എ​ത്തിയത്. അദ്ദേഹം പാ​തി​വ​ഴി​യി​ൽ വി​ലാ​പ​യാ​ത്ര​യി​ൽ പ​ങ്കു​ചേ​ർ​ന്നു.