പിന്നിടുന്ന വഴികളിലെല്ലാം കാത്തുനിൽക്കുന്നത് ജനസാഗരം, ജ​ന​ബാ​ഹു​ല്യ​ത്തെ വ​ക​ഞ്ഞ് ഉമ്മൻചാണ്ടിയുടെ വിലാപയാത്ര കോട്ടയത്തേക്ക്

കൊ​ല്ലം: മുൻ മുഖ്യമന്ത്രി ഉമ്മൻ ചാണ്ടിയുടെ ഭൗതികശരീരവും വഹിച്ചുകൊണ്ടുള്ള വിലാപയാത്ര പിന്നിടുന്ന വഴികളിലെല്ലാം അന്തിമോപചാരം അർപ്പിക്കാൻ കാത്തു നിൽക്കുന്നത് പതിനായിരങ്ങളാണ്. തിരുവനന്തപുരത്തുനിന്ന് ഉച്ചയ്ക്ക് മൂന്നു മണിയോടെ കൊല്ലം ജില്ലയിൽ പ്രവേശിച്ച യാത്ര, രാത്രി എട്ടരയോടെയാണ് പത്തനംതിട്ട ജില്ലയിലെ ഏനാത്തേക്കു കടന്നത്. 

ചടയമംഗലത്തും വാളകത്തും ആയൂരും കൊട്ടാരക്കരയും വൻ ജനക്കൂട്ടമാണ് അന്ത്യാജ്ഞലി അർപ്പിക്കാൻ എത്തിയത്. 13 മണിക്കൂർ‌ പിന്നിട്ട യാത്ര ജനങ്ങളുടെ സ്നേഹാദരങ്ങൾ ഏറ്റുവാങ്ങി തിരുനക്കര ലക്ഷ്യമാക്കി തുടരുന്നു.  ഉമ്മൻചാണ്ടിയുടെ കുടുംബവും കോൺഗ്രസ് നേതാക്കളും ബസ്സിൽ മൃതദേഹത്തെ അനുഗമിക്കുന്നുണ്ട്. വൈകിട്ടോടെ കോട്ടയം തിരുനക്കര മൈതാനത്ത് എത്തുമെന്ന് അറിയിച്ചിരുന്നെങ്കിലും കാത്തുനിൽക്കുന്ന വൻ ജനാവലിയ്ക്കു നടുവിലൂടെ എത്താൻ അർധരാത്രിയാകും. നാളെ പുതുപ്പള്ളിയിലെ കുടുംബവീട്ടിലേക്ക് കൊണ്ടുപോകും.

വി​ലാ​പ​യാ​ത്ര കൊ​ട്ടാ​ര​ക്ക​ര ക​ട​ക്കാ​നെ​ടു​ത്ത​ത് മ​ണി​ക്കൂ​റു​ക​ളാണ് . അ​ക്ഷ​രാ​ർ​ഥ​ത്തി​ൽ കൊ​ട്ടാ​ര​ക്ക​ര​യി​ൽ പ്രി​യ നേ​താ​വി​നെ കാ​ണാ​ൻ ജ​ന​സാ​ഗ​രം ത​ടി​ച്ചു​കൂ​ടി.ഉ​മ്മ​ൻ ചാ​ണ്ടി​യു​ടെ ഭൗ​തി​ക​ശ​രീ​രം വ​ഹി​ച്ചു​ള്ള പു​ഷ്പാ​ലം​കൃ​ത വാ​ഹ​നം ഏ​റെ​പ​ണി​പ്പെ​ട്ടാ​ണ് ജ​ന​ക്കൂ​ട്ട​ത്തെ വ​ക​ഞ്ഞ് മു​ന്നോ​ട്ടു​നീ​ങ്ങി​യ​ത്. മെ​യി​ൻ സെ​ൻ​ട്ര​ൽ (എം​സി) റോ​ഡ് കൈ​യേ​റി ജ​ന​ക്കൂ​ട്ടം ത​ങ്ങ​ളു​ടെ പ്രി​യ നേ​താ​വി​നെ കാ​ണാ​ൻ കാ​ത്തു​നി​ന്നു. ആ​ളു​ക​ളെ ക​ട​ന്ന് വാ​ഹ​നം മു​ന്നോ​ട്ടു​പോ​കാ​ൻ ക​ഴി​യാ​തെ നി​ർ​ത്തി​യി​ടേ​ണ്ടി​വ​ന്നു.

പൊലീസ്  ഇ​ട​പെ​ട്ട് മു​ന്നോ​ട്ടെ​ടു​ക്കു​ന്പോ​ൾ ജ​നം ബ​സി​ന്‍റെ ചി​ല്ല് ജ​നാ​ല​യി​ൽ ത​ട്ടി അ​ല​മു​റ​യി​ട്ടു. ചാ​ണ്ടി ഉ​മ്മ​നും നേ​താ​ക്ക​ൾ​ക്കും വ​ണ്ടി​യു​ടെ ചി​ല്ലി​ൽ അ​ടി​ക്ക​രു​തെ​ന്ന് ജ​ന​ക്കൂ​ട്ട​ത്തോ​ട് മൈ​ക്കി​ലൂ​ടെ അ​ഭ്യ​ർ​ഥി​ക്കേ​ണ്ടി​വ​ന്നു. പി.​സി. വി​ഷ് നാ​ഥ് എം​എ​ൽ​എ​യും, കൊ​ടി​ക്കു​ന്നി​ൽ സു​രേ​ഷ് എം​പി​യും വാ​ഹ​നം ക​ട​ത്തി​വ​ട​ണ​മെ​ന്ന് ആ​ളു​ക​ളോ​ട് അ​പേ​ക്ഷി​ച്ചു.

ജ​ന​ബാ​ഹു​ല്യ​ത്തെ വ​ക​ഞ്ഞ് ലോ ​ഫ്ളോ​ർ എ​സി ബ​സ് കൊ​ട്ടാ​ര​ക്ക​ര​യെ മ​റി​ക​ട​ക്കു​ന്പോ​ൾ അ​വി​ടെ മാ​ത്രം മ​ണി​ക്കൂ​റു​ക​ൾ പി​ന്നി​ട്ടി​രു​ന്നു. വി​ലാ​പ​യാ​ത്ര ഇ​തി​ന​കം 13  മ​ണി​ക്കൂ​ർ പി​ന്നി​ട്ടു. 13  മ​ണി​ക്കൂ​റി​ല്‍ 72 കി​ലോ​മീ​റ്റ​ര്‍ മാ​ത്ര​മാ​ണ് പി​ന്നി​ടാ​നാ​യ​ത്. ക​ന​ത്ത​മ​ഴ​യും വെ​യി​ലും മ​റ​ന്നാ​യി​രു​ന്നു ജ​ന​ങ്ങ​ള്‍ ആ​ദ​ര​വും സ്നേ​ഹ​വും അ​ര്‍​പ്പി​ച്ച​ത്. ത​ല​സ്ഥാ​ന​ത്തി​ന്‍റേ​യും തി​രു​വ​ന​ന്ത​പു​രം ജി​ല്ല​യു​ടേ​യും അ​ള​വ​റ്റ ആ​ദ​ര​വും സ്നേ​ഹ​വും ഏ​റ്റു​വാ​ങ്ങി​ക്കൊ​ണ്ടാ​യി​രു​ന്നു ബു​ധ​നാ​ഴ്ച രാ​വി​ലെ ഏ​ഴി​ന് ഉ​മ്മ​ന്‍​ചാ​ണ്ടി​യു​ടെ അ​ന്ത്യ​യാ​ത്ര ജ​ഗ​തി​യി​ലെ വീ​ട്ടി​ല്‍​നി​ന്നാ​രം​ഭി​ച്ച് ന​ഗ​ര വീ​ഥി​ക​ള്‍ പി​ന്നി​ട്ട​ത്.