ഉമ്മൻചാണ്ടിയുടെ ഭൗ​തി​ക​ശ​രീ​രം സെ​ക്ര​ട്ടേ​റി​യ​റ്റി​ലെ ദ​ർ​ബാ​ർ ഹാ​ളിൽ, ജനബാഹുല്യം കാരണം പൊതുദർശന സമയം വൈകുന്നു

തി​രു​വ​ന​ന്ത​പു​രം: ഉ​മ്മ​ൻ ചാ​ണ്ടി​യു​ടെ ഭൗ​തി​ക​ശ​രീ​രം ജ​ഗ​തി​യി​ലെ പു​തു​പ്പ​ള്ളി ഹൗ​സി​ൽ നി​ന്ന് സെ​ക്ര​ട്ടേ​റി​യ​റ്റി​ലെ ദ​ർ​ബാ​ർ ഹാ​ളി​ലേ​ക്ക് പൊ​തു​ദ​ർ​ശ​ന​ത്തി​നാ​യി എ​ത്തി​ച്ചു. പു​തു​പ്പ​ള്ളി ഹൗ​സി​ൽ ആ​ദ​രാ​ഞ്ജ​ലി അ​ർ​പ്പി​ക്കാ​നാ​യി എ​ത്തി​യ അ​ഭൂ​ത​പൂ​ർ​വ​മാ​യ ജ​ന​ക്കൂ​ട്ട​ത്തെ നി​യ​ന്ത്രി​ക്കാ​ൻ പാ​ടു​പ്പെ​ട്ട​തോ​ടെ, നേ​ര​ത്തെ നി​ശ്ച​യി​ച്ച​തി​ലും നാ​ല് മ​ണി​ക്കൂ​ർ വൈ​കി​യാ​ണ് മൃ​ത​ദേ​ഹം ദ​ർ​ബാ​ർ ഹാ​ളി​ൽ എ​ത്തി​ച്ച​ത്.

മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​ട​ക്ക​മു​ള്ള പ്ര​മു​ഖ​ർ ദ​ർ​ബാ​ർ ഹാ​ളി​ൽ എ​ത്തി ഉ​മ്മ​ൻ ചാ​ണ്ടി​ക്ക് അ​ന്തി​മോ​പ​ചാ​രം അ​ർ​പ്പി​ച്ചു. സം​സ്ഥാ​ന രാ​ഷ്ട്രീ​യ​ത്തി​ലെ പ്ര​മു​ഖ നേ​താ​ക്ക​ളും മ​ത, സാം​സ്കാ​രി​ക നേ​താ​ക്ക​ളും ദ​ർ​ബാ​ർ ഹാ​ളി​ലും ഉ​മ്മ​ൻ ചാ​ണ്ടി​ക്ക് ആ​ദ​ര​മ​ർ​പ്പി​ക്കാ​നാ​യി എ​ത്തി. ദ​ർ​ബാ​ർ ഹാ​ളി​ലെ പൊ​തു​ദ​ർ​ശ​ന​ത്തി​ന് ശേ​ഷം ഉ​മ്മ​ൻ ചാ​ണ്ടി പ​തി​വാ​യി പ്രാ​ർ​ഥ​ന​ക്കെ​ത്താ​റു​ള്ള സെ​ക്ര​ട്ടേ​റി​യ​റ്റി​നു സ​മീ​പ​ത്തെ സെ​ന്‍റ് ജോ​ർ​ജ് ഓ​ർ​ത്ത​ഡോ​ക്സ് പ​ള്ളി​യി​ലും പൊ​തു​ദ​ർ​ശ​നം നടത്തും.

മൃ​ത​ശ​രീ​രം ദ​ർ​ബാ​ർ ഹാ​ളി​ലേ​ക്ക് എ​ത്തി​ക്കു​ന്ന​തി​ന് മ​ണി​ക്കൂ​റു​ക​ൾ മു​മ്പ് ത​ന്നെ സെ​ക്ര​ട്ടേ​റി​യ​റ്റ് പ​രി​സ​രം ജ​ന​സാ​ഗ​ര​മാ​യി​രു​ന്നു. ആ​യി​ര​ങ്ങ​ളാ​ണ് കേ​ര​ള​ത്തി​ന്‍റെ പ്രി​യ നേ​താ​വി​ന് ആ​ദ​ര​മ​ർ​പ്പി​ക്കാ​നാ​യി സെ​ക്ര​ട്ടേ​റി​യ​റ്റ് പ​രി​സ​ര​ത്ത് കാ​ത്തു​നി​ൽ​ക്കു​ന്ന​ത്‌. ജനബാഹുല്യം കാരണം പൊതുദർശന സമയം വൈകുകയാണ്. അഞ്ച് മണിയോടെയാണ് ദർബാർ ഹാളിൽ പൊതുദർശനം നിശ്ചയിച്ചിരുന്നത്. എന്നാൽ ഉമ്മൻചാണ്ടിയെ ഒരു നോക്ക് കാണാൻ ജനങ്ങൾ ഒഴുകിയെത്തിയതോടെയാണ് വൈകിയത്.

നേ​ര​ത്തെ, ബം​ഗ​ളൂ​രു​വി​ൽ​നി​ന്ന് ഉ​ച്ച​ക​ഴി​ഞ്ഞ് ര​ണ്ട​ര​യോ​ടെ പ്ര​ത്യേ​ക വി​മാ​ന​ത്തി​ൽ എ​ത്തി​ച്ച മൃ​ത​ദേ​ഹം സം​സ്ഥാ​ന സ​ർ​ക്കാ​രി​നെ പ്ര​തി​നി​ധീ​ക​രി​ച്ച് മ​ന്ത്രി​മാ​ർ ഉ​ൾ​പ്പെ​ടെ എ​ത്തി​യാ​ണ് ഏ​റ്റു​വാ​ങ്ങി​യ​ത്. തു​ട​ർ​ന്ന് വ​ൻ ജ​നാ​വ​ലി​യു​ടെ അ​ക​മ്പ​ടി​യോ​ടെ മൃ​ത​ദേ​ഹം സ്വ​വ​സ​തി​യാ​യ ജ​ഗ​തി​യി​ലെ പു​തു​പ്പ​ള്ളി ഹൗ​സി​ലേ​ക്ക് കൊ​ണ്ടു​പോ​കു​ക​യാ​യി​രു​ന്നു. പു​തു​പ്പ​ള്ളി ഹൗ​സി​ലെ ആ​ദ​ര​മ​ർ​പ്പി​ക്കാ​നു​ള്ള ച​ട​ങ്ങി​നി​ടെ നി​യ​ന്ത്രി​ക്കാ​നാ​വാ​ത്ത വി​ധ​ത്തി​ലു​ള്ള തി​ര​ക്കാ​ണ് അ​നു​ഭ​വ​പ്പെ​ട്ട​ത്. കു​ടും​ബാം​ഗ​ങ്ങ​ൾ​ക്കും അ​ടു​ത്ത ബ​ന്ധു​ക്ക​ൾ​ക്കും പോ​ലും ഉ​മ്മ​ൻ ചാ​ണ്ടി​യു​ടെ അ​ടു​ക്ക​ൽ നി​ൽ​ക്കാ​ൻ സാ​ധി​ക്കാ​ത്ത ത​ര​ത്തി​ലു​ള്ള തി​ര​ക്കാ​ണ് അ​നു​ഭ​വ​പ്പെ​ട്ട​ത്.