പത്തനംതിട്ടയില്‍ കെഎസ്ആർടിസി ബസും കാറും കൂട്ടിയിടിച്ച് ഒരാൾ മരിച്ചു

പത്തനംതിട്ട : പത്തനംതിട്ട റാന്നി ചെല്ലക്കാട്ടാണ് കെഎസ്ആർടിസി ബസും കാറും കൂട്ടിയിടിച്ച് ഒരാൾ മരിച്ചു.കാർ യാത്രികനായ റാന്നി വയലത്തല സ്വദേശി ഫിലിപ്പാണ് മരിച്ചത്.പുനലൂർ-മൂവാറ്റുപുഴ സംസ്ഥാനപാതയിലാണ് അപകടം.

ഇന്ന് പുലര്‍ച്ചെയാണ് കുമളിയിലേക്ക് പോകുന്ന കെഎസ്‍ആര്‍ടിസി സൂപ്പര്‍ ഫാസ്റ്റ് ബസും കാറും കൂട്ടിയിടിച്ചത്.ഫിലിപ്പ് ഒറ്റക്കായിരുന്നു കാറിലുണ്ടായിരുന്നത്. അപകടത്തില്‍ കാറിന്‍റെ മുന്‍ഭാഗം പൂര്‍ണമായും തകര്‍ന്നു. നാട്ടുകാരാണ് കാര്‍ വെട്ടിപ്പൊളിച്ച് ഫിലിപ്പിനെ പുറത്തെടുത്ത് ആശുപത്രിയിലെത്തിച്ചത്. ഈ ഭാഗത്ത് അപകടം പതിവാണെന്നാണ് നാട്ടുകാര്‍ പറയുന്നത്.