എസ്എന്ഡിപിയുമായുള്ള ഐക്യത്തില് നിന്നും എന്എസ്എസ് പിന്മാറി
രാജ്യത്തിന്റെ പുരോഗതിയ്ക്ക് കേന്ദ്ര-സംസ്ഥാന സർക്കാരുകൾ ഒന്നിച്ചുപ്രവർത്തിക്കണം : ഗവർണർ
January 26, 2026
ഇപ്പോള് മറുപടി അപ്രസക്തം; വിഷയത്തെ കുറിച്ച് കൂടുതല് പഠിച്ച ശേഷം കൃത്യമായി മറുപടി പറയാം : വെള്ളാപ്പള്ളി നടേശന്
January 26, 2026
കോട്ടയം : എസ്എന്ഡിപിയുമായുള്ള ഐക്യത്തില് നിന്നും എന്എസ്എസ് പിന്മാറി. ഐക്യം പ്രായോഗികമല്ലെന്ന് പെരുന്നയില് ചേര്ന്ന എന്എസ്എസ് ഡയറക്ടര് ബോര്ഡ് യോഗം തീരുമാനിച്ചു. ഐക്യ നീക്കം എന്എസ്എസ് ഡയറക്ടര് ബോര്ഡ് തള്ളി. വാര്ത്താക്കുറിപ്പിലൂടെയാണ് ഐക്യത്തില് നിന്നും പിന്മാറിയ കാര്യം എന്എസ്എസ് അറിയിച്ചത്.
പല തവണ എന്എസ്എസ്- എസ്എന്ഡിപി ഐക്യശ്രമം വിജയിക്കാത്ത സാഹചര്യത്തില് വീണ്ടും ഒരു ഐക്യ ശ്രമം ഇപ്പോഴത്തെ രാഷ്ട്രീയ സാഹചര്യത്തില് പരാജയമാകുമെന്ന് എന്എസ്എസ് വിലയിരുത്തി. എന്എസ്എസിന്റെ അടിസ്ഥാന മൂല്യങ്ങളില് നിന്നും വ്യതിചലിക്കാനാകില്ല. അതിനാല് വീണ്ടും ഐക്യം പ്രായോഗികമല്ല.
എന്എസ്എസിനോട് എല്ലാ രാഷ്ട്രീയ പാര്ട്ടികളോടും സമദൂര നിലപാടാണ് ഉള്ളത്. മറ്റെല്ലാ സമുദായങ്ങളോടും എന്നതുപോലെ എസ്എന്ഡിപിയോടും സൗഹാര്ദ്ദത്തില് വര്ത്തിക്കാനാണ് എന്എസ്എസ് ആഗ്രഹിക്കുന്നത്. എന്എസ്എസ്- എസ്എന്ഡിപി ഐക്യവുമായി മുന്നോട്ടു പോകേണ്ടതില്ലെന്ന് ഡയറക്ടര് ബോര്ഡ് തീരുമാനിച്ചുവെന്നും വാര്ത്താക്കുറിപ്പില് ജനറല് സെക്രട്ടറി ജി സുകുമാരന് നായര് വ്യക്തമാക്കി.
