23 , നദാലിന്റെ പേര് മാഞ്ഞു; കൂടുതൽ ഗ്രാൻഡ്‌ സ്‌ലാം നേട്ടങ്ങളിൽ ഇനി ജോക്കോവിച്ച് മാത്രം

പാ​രി​സ്:  പുരുഷ ടെന്നീസിൽ 23-ാം ഗ്രാ​ൻ​ഡ് സ്ലാം ​കി​രീ​ട​മെ​ന്ന നേട്ടത്തിൽ ഇനി ഒറ്റപ്പേരുകാരൻ മാത്രം- നൊ​വാ​ക് ജോ​ക്കോ​വി​ച്ച്. ഫ്ര​ഞ്ച് ഓ​പ്പ​ൺ കി​രീ​ടം അ​നാ​യാ​സം കൈ​പ്പി​ടി​യി​ലാ​ക്കി റാ​ഫേ​ൽ ന​ദാ​ലി​നൊ​പ്പം പ​ങ്കി​ട്ടി​രു​ന്ന 22 ഗ്രാ​ൻ​ഡ് സ്ലാം ​നേ​ട്ട​ങ്ങ​ൾ മ​റി​ക​ട​ന്ന​തോ​ടെയാണ് പുരുഷ ടെന്നീസിൽ സമാനതകളില്ലാത്ത നേട്ടം ജോക്കോ സ്വന്തമാക്കിയത്. യു​വ​താ​രം കാ​സ്പ​ർ റൂ​ഡി​നെ നേ​രി​ട്ടു​ള്ള സെ​റ്റു​ക​ൾ​ക്ക് വീ​ഴ്ത്തി​യാ​ണ് നദാലിന്റെ തട്ടകമായ റോ​ള​ങ് ഗാ​രോ​സി​ൽ ജോ​ക്കോ ഇ​തി​ഹാ​സം ര​ചി​ച്ച​ത്. സ്കോ​ർ: 7-6(1), 6-3, 7-5.

മൂന്നാംതവണയാണ്‌ ജോക്കോ ഫ്രഞ്ച്‌ ഓപ്പൺ നേടുന്നത്‌ (2016, 2021, 2023). പത്തുതവണ ഓസ്‌ട്രേലിയൻ ഓപ്പൺ നേടിയ മൂന്നാംറാങ്കുകാരൻ ഏഴുവട്ടം വിംബിൾഡണും കരസ്ഥമാക്കി. യുഎസ്‌ ഓപ്പണിൽ മൂന്ന്‌ കിരീടങ്ങളാണ്‌. നാലാംറാങ്കുകാരനായ കാസ്‌പെർ റൂഡ്‌ കഴിഞ്ഞവർഷവും റണ്ണറപ്പായിരുന്നു. റാഫേൽ നദാലിനോടാണ്‌ തോറ്റത്‌. ജ​യ​ത്തോ​ടെ ഗ്രാ​ൻ​ഡ് സ്ലാം ​കി​രീ​ട​ങ്ങ​ളെ​ല്ലാം മൂ​ന്ന് ത​വ​ണ നേ​ടു​ന്ന ആ​ദ്യ പു​രു​ഷ താ​ര​മാ​യി ജോ​ക്കോ മാ​റി. ആ​ധി​കാ​രി​ക​മാ​യ ജ​യ​ത്തോ​ടെ എ​ടി​പി റാ​ങ്കിം​ഗി​ലെ ഒ​ന്നാം സ്ഥാ​നം തി​രി​ച്ചെ​ടു​ക്കാ​നു​ള്ള വ​ഴി​യും ജോ​ക്കോ തെ​ളി​യി​ച്ചു.

36-ാം പി​റ​ന്നാ​ൾ ആ​ഘോ​ഷി​ച്ച് 20 ദി​വ​സ​ങ്ങ​ൾ​ക്കു​ള്ളി​ൽ ത​ന്‍റെ 34-ാം ഗ്രാ​ൻ​ഡ് സ്ലാം ​ഫൈ​ന​ലി​ന് ഇ​റ​ങ്ങി​യ ജോ​ക്കോ ക​ളി​മ​ൺ കോ​ർ​ട്ടി​ലെ രാ​ജാ​വാ​യ ന​ദാ​ലി​ന്‍റെ മ​റ്റൊ​രു റെക്കോഡ്  കൂ​ടി മ​റി​ക​ട​ന്നു. 2022-ൽ 36 ​വ​യ​സും ര​ണ്ട് ദി​വ​സ​വും പ്രാ​യ​മു​ള്ള​പ്പോ​ൾ ന​ദാ​ൽ സ്വ​ന്ത​മാ​ക്കി​യ ഏ​റ്റ​വും പ്രാ​യ​മു​ള്ള ഫ്ര​ഞ്ച് ഓ​പ്പ​ൺ കി​രീ​ട​ ജേ​താ​വ് എ​ന്ന നേ​ട്ട​മാ​ണ് ജോ​ക്കോ ത​ക​ർ​ത്ത​ത്.