നോ റയൽ മാഡ്രിഡ്, ലിവർപൂൾ, ബയേൺ; സാബി അലോൺസോ ലവർകൂസണിൽ തുടരും

ബയർ ലവർകൂസൺ പരിശീലകൻ സാബി അലോൺസോ അടുത്ത സീസണിലും ടീമിൽ‍ തുടരും. 2025 വരെ ടീമിൽ തുടരാൻ ധാരണയായി. പരിശീലകനെ സ്വന്തമാക്കാൻ റയൽ മാ‍ഡ്രിഡ്, ലിവർപൂൾ, ബയേൺ മ്യൂണിക്ക് ക്ലബ്ബുകൾ ശ്രമിക്കുന്നതിനിടെയാണ് തീരുമാനം. കഴിഞ്ഞ സീസണിലാണ് സാബി ലവർകൂസൺ പരിശീലകനായെത്തുന്നത്. ഈ സീസണിൽ ഒരു മത്സരം പോലും തോൽക്കാത്ത ടീം ബുണ്ടസ് ലീ​ഗയിൽ ഒന്നാം സ്ഥാനത്തുമാണ്. ഇതോടെയാണ് സാബിയുടെ മുൻ ക്ലബ്ബുകൾ പരിശീലക സ്ഥാനത്തേക്ക് താരത്തെ പരി​ഗണിച്ചത്.

ഈ സീസണിൽ ക്ലോപ്പ് ടീം വിടുന്നതോടെ ലിവർപൂളിന് പുതിയ പരിശീലകനെ ആവശ്യമുണ്ട്. സീസണിൽ മോശം ഫോമിൽ തുടരുന്ന ബയേണും പുതിയ ‌പരിശീലകനെ തേടുകയാണ്. റയൽ മാ‍ഡ്രിഡ് ഭാവി പരിശീലകനായി പരി​ഗണിക്കുന്നതും സാബിയെത്തന്നെയാണ്.