പാക് തീവ്രവാദ സംഘടന ബന്ധം ; കോഴിക്കോട് എൻഐഎ റെയ്‌ഡ് 

കോഴിക്കോട് : പാകിസ്ഥാൻ ആസ്ഥാനമായി പ്രവർത്തിക്കുന്ന ഗസ്‌വ ഇ ഹിന്ദ് സംഘടനയുമായി ബന്ധപ്പെട്ട് കോഴിക്കോട് എൻഐഎ റെയ്‌ഡ്. 
ഇന്ത്യയിലടക്കം ഭീകരപ്രവർത്തനം നടത്തുന്നതിന് ഗസ്‌വ ഇ ഹിന്ദ് സംഘടനയുടെ പേരിൽ വാട്‌സ്ആപ്പ് ​ഗ്രൂപ്പ് രൂപീകരിച്ച് യുവാക്കളെ റിക്രൂട്ട് ചെയ്ത കേസിൽ കഴിഞ്ഞ വർഷം പട്‌നയിൽ ഒരാൾ അറസ്റ്റിലായിരുന്നു.

മർഗൂബ് അഹമ്മദ് ഡാനിഷ് എന്ന ആളാണ് അറസ്റ്റിലായത്. ഇയാളുമായി ആശയവിനിമയം നടത്തിയവരുടെ വിവരങ്ങൾ എൻഐഎ കണ്ടെത്തിയിരുന്നു. അവരുടെ വീടുകളിലാണ് റെയ്‌ഡ് നടന്നത്. കേരളത്തിന് പുറമേ മധ്യപ്രദേശിലും ​ഗുജറാത്തിലും ഉത്തർപ്രദേശിലും എൻഐഎ പരിശോധന നടന്നു.