കോട്ടയം ജില്ലയിലെ യോഗങ്ങൾ പൂർത്തിയാകുന്നു, നവകേരള സദസ് ഇന്ന് ആലപ്പുഴ ജില്ലയിലേക്ക്

ആലപ്പുഴ : കോട്ടയം ജില്ലയിലെ വിവിധ മണ്ഡലങ്ങളിലെ പര്യടനം പൂർത്തിയാക്കി നവകേരള സദസ് ഇന്ന് ആലപ്പുഴ ജില്ലയിലേക്ക് കടക്കും. കടുത്തുരുത്തി, വൈക്കം മണ്ഡലങ്ങളിലെ നവകേരള സദസ്സുകൾ കൂടി പൂർത്തിയാക്കിയാകും മുഖ്യമന്ത്രിയും സംഘവും ആലപ്പുഴ ജില്ലയിലെ അരൂർ, ചേർത്തല മണ്ഡലങ്ങളിലേക്ക് എത്തുക.

രാവിലെ 9 മണിക്ക് കുറവിലങ്ങാട് മേജർ ആർക്കിഎപ്പിസ്കോപ്പൽ മർത്ത്മറിയം അർക്കദിയാക്കോൻ തീർത്ഥാടന ദേവാലയ പാരിഷ് ഹാളിൽ നടക്കും. കടുത്തുരുത്തി നിയമസഭാ മണ്ഡലത്തിലെ നവകേരള സദസ് കുറവിലങ്ങാട് പകൽ 11 മണിക്ക് ദേവമാതാ കോളേജ് മൈതാനത്തിൽ നടക്കും.

വൈക്കം നിയമസഭാ മണ്ഡലത്തിലെ നവകേരള സദസ് 3 മണിക്ക് വൈക്കം ബീച്ച് മൈതാനിയിൽ നടക്കും. 4 മണിക്ക് അരൂർ നിയമസഭാ മണ്ഡലത്തിലെ നവകേരള സദസ് അരയങ്കാവിൽ നടക്കും. ചേർത്തല നിയമസഭാ മണ്ഡലത്തിലെ നവകേരള സദസ് 5 മണിക്ക് സെന്റ്മൈക്കിൾസ് കോളേജ് ഗ്രൗണ്ടിൽ നടക്കും.