നവകേരള സദസ് : യുഡിഎഫ് ബഹിഷ്‌കരിക്കണം തള്ളി പ്രഭാതയോഗത്തില്‍ പാണക്കാട് തങ്ങളുടെ മരുമകനും കോണ്‍ഗ്രസ് നേതാവും

മലപ്പുറം : നവകേരള സദസിന് മുന്നോടിയായിട്ടുള്ള മുഖ്യമന്ത്രിയുടെ പ്രഭാതയോഗത്തില്‍ പാണക്കാട്ടു നിന്നും അതിഥി. പാണക്കാട് ഹൈദരാലി തങ്ങളുടെ മരുമകന്‍ ഹസീബ് സക്കാഫ് തങ്ങളാണ് മുഖ്യമന്ത്രിയുടെ യോഗത്തിനെത്തിയത്. മലപ്പുറം ഡിസിസി മുന്‍ അംഗം സി മൊയ്തീനും തിരൂരിലെ പ്രഭാതയോഗത്തില്‍ പങ്കെടുത്തു. 

മുഖ്യമന്ത്രി സംഘടിപ്പിച്ച പൗരപ്രമുഖരുടെ യോഗത്തില്‍ പങ്കെടുത്ത കോണ്‍ഗ്രസ് നേതാവ് സി മൊയ്തീന്‍ പാര്‍ട്ടി തിരുവാനായ ബ്ലോക്ക് പ്രസിഡന്റാണ്. ഇരുവരും യോഗത്തില്‍ പ്രസംഗിക്കുകയും ചെയ്തു. യുഡിഎഫ് നേതാക്കളും പ്രവര്‍ത്തകരും നവകേരള സദസ് ബഹിഷ്‌കരിക്കണമെന്ന് നിര്‍ദേശം നല്‍കിയിരുന്നു. 

മുസ്ലിം ലീഗ് പ്രാദേശിക നേതാവ് പിപി ഇബ്രാഹം മാസ്റ്ററും നവകേരള സദസിലെ യോഗത്തിനെത്തിയിരുന്നു. ഇന്നലെ ഓമശ്ശേരിയില്‍ നടന്ന പ്രബാതയോഗത്തിലും കോണ്‍ഗ്രസ് നേതാവ് കോണ്‍ഗ്രസ് നേതാവ് എന്‍ അബൂബക്കര്‍, ലീഗ് പ്രാദേശിക നേതാവ് മൊയ്തു മുട്ടായി എന്നിവര്‍ പങ്കെടുത്തിരുന്നു.