കൊട്ടിയത്ത് നിര്മാണത്തിലിരിക്കുന്ന ദേശീയപാത ഇടിഞ്ഞു താണു
അരുന്ധതി റോയിയുടെ ‘മദർ മേരി കംസ് ടു മി’ക്കെതിരായ ഹർജി സുപ്രീം കോടതി തള്ളി
December 5, 2025
ഇന്ഡിഗോ പ്രതിസന്ധി : ആകാശക്കൊള്ള നടത്തി എയര് ഇന്ത്യ അടക്കമുള്ള വിമാനക്കമ്പനികള്
December 5, 2025
കൊല്ലം : കൊട്ടിയത്ത് നിര്മാണത്തിലിരിക്കുന്ന ദേശീയപാത ഇടിഞ്ഞു താണു. കൊട്ടിയത്തിന് സമീപം മൈലക്കാടാണ് സംഭവം. ദേശീയപാതയുടെ പാര്ശ്വഭിത്തി ആണ് ഇടിഞ്ഞത്. ഇതോടെ സര്വീസ് റോഡ് തകര്ന്നു. മൈലക്കാട് പാലത്തിന് സമീപത്തെ അപ്രോച്ച് റോഡില് വലിയ ഗര്ത്തം രൂപപ്പെടുകയും ചെയ്തു. ദേശീയപാത ഇടിഞ്ഞുവീണ സമയത്ത് സര്വീസ് റോഡില് സ്കൂള് വാഹനടക്കമുണ്ടായിരിന്നു. വാഹനത്തിലുണ്ടായിരുന്നവരെ സുരക്ഷിത സ്ഥാനത്തേക്ക് മാറ്റി.
നിര്മാണം നടക്കുന്ന ദേശീയപാതയുടെ ഭാഗം താഴേക്ക് ഇടിയുകയായിരുന്നു. സംഭവത്തില് ആര്ക്കും പരിക്കില്ല. ഏറെ തിരക്കേറിയ സമയത്താണ് അപകടമുണ്ടായത്. നിര്മാണ അവസാനഘട്ടത്തിലേക്ക് കടക്കാനിരിക്കെയാണ് അപകടം ഉണ്ടായത്. സംഭവത്തെ തുടര്ന്ന് ഗതാഗതത്തിന് നിയന്ത്രണമേര്പ്പെടുത്തിയിട്ടുണ്ട്. വാഹനങ്ങള് തീരദേശ പാതവഴി തിരിച്ചുവിടുന്നുണ്ട്.
ദേശീയപാത തകര്ന്ന സംഭവത്തില് പൊതുമരാമത്ത് മന്ത്രി പിഎ മുഹമ്മദ് റിയാസ് അടിയന്തര അന്വേഷണത്തിന് ഉത്തരവിട്ടു.
