അത് പ്രാങ്ക് വിഡിയോ ; എന്റെ കൂടെയുണ്ടായിരുന്നത് കസിന്‍ : വിശാല്‍

ന്യൂയോര്‍ക്കില്‍ നിന്നുള്ള വിഡിയോ വൈറലായതിനു പിന്നാലെ വിശദീകരണവുമായി നടന്‍ വിശാല്‍. അതൊരു പ്രാങ്ക് വിഡിയോ ആണ് എന്നാണ് താരം പറയുന്നത്. താനും തന്റെ കസിന്‍സും ചേര്‍ന്നാണ് വിഡിയോ ഒരുക്കിയതെന്നും കൂടെയുണ്ടായിരുന്നത് തന്റെ കസിനാണെന്നുമാണ് വിശാല്‍ പറയുന്നത്. 

വിഡിയോ വലിയ ചര്‍ച്ചകള്‍ക്ക് വഴിവെച്ചതോടെയാണ് താരം പ്രതികരണവുമായി എത്തിയത്. ന്യൂയോര്‍ക്കിലെ തെരുവിലൂടെ ഒരു പെണ്‍കുട്ടിക്കൊപ്പം നടക്കുന്ന വിശാലിന്റെ വിഡിയോ ആണ് പുറത്തുവന്നത്. കാമറയില്‍ ദൃശ്യങ്ങള്‍ പകര്‍ത്തുന്നത് കണ്ടതോടെ മുഖംമറച്ചുകൊണ്ട് ഓടിമറയുന്ന വിശാലിനെയാണ് വിഡിയോയില്‍ കണ്ടത്. ഇതോടെ താരത്തിന്റെ കൂടെയുണ്ടായിരുന്ന യുവതിയെ തിരഞ്ഞുകൊണ്ട് നിരവധി പേര്‍ രംഗത്തെത്തി.