വിദ്യാര്ഥികളുമായി വിനോദയാത്ര; ആര്ടിഒയെ മുന്കൂട്ടി അറിയിക്കണമെന്ന് മോട്ടോര് വാഹന വകുപ്പ്
മണ്ഡല മകരവിളക്ക് തീര്ഥാടനം; ശബരിമലയിൽ വിപുലമായ ക്രമീകരണം
November 15, 2025
കോണ്ഗ്രസിലേക്കു പോകുമെന്ന പ്രചാരണം തെറ്റ്; കമ്യൂണിസ്റ്റ് പാര്ട്ടികള് ജനപിന്തുണ വിലയിരുത്തണം : ജി സുധാകരന്
November 15, 2025
തിരുവനന്തപുരം : സ്കൂളില്നിന്നോ കോളജില്നിന്നോ വിനോദയാത്ര പോകുന്നതിന് മുമ്പ് ബന്ധപ്പെട്ട ആര്ടിഒയെ അറിയിക്കണമെന്ന് മോട്ടോര് വാഹന വകുപ്പിന്റെ ഓര്മ്മപ്പെടുത്തല്. വിനോയാത്രയ്ക്ക് മുമ്പ് ഒരാഴ്ചമുമ്പെങ്കിലും വിവരം നല്കണം. മോട്ടോര് വാഹന വകുപ്പ് ഉദ്യോഗസ്ഥര്ക്ക് ബസ് പരിശോധിക്കാനും സുരക്ഷ ഉറപ്പാക്കാനും വിദ്യാര്ഥികള്ക്കും ഡ്രൈവര്ക്കും കാര്യങ്ങളെക്കുറിച്ച് വിവരിച്ച് കൊടുക്കുന്നതിനുമാണിത്.
മുന്വര്ഷങ്ങളില് വിദ്യാര്ഥികളുമായി വിനോദയാത്ര പോകുന്ന ബസുകളില് എമര്ജന്സി എക്സിറ്റോ അഗ്നിസുരക്ഷാ സംവിധാനമോ ഇല്ലെന്ന് കണ്ടെത്തിയിരുന്നു. അടിയന്തര സാഹചര്യങ്ങളില് എങ്ങനെ പ്രതികരിക്കണമെന്ന് ഡ്രൈവര്മാര്ക്കോ വിദ്യാര്ഥികള്ക്കോ അറിവുമില്ല.
ഇത്തരം ബസുകളില് അനധികൃതമായി സ്പീക്കറുകളും ലൈറ്റുകളും സ്ഥാപിച്ചിരുന്നു. ഇത് തീപിടിത്തത്തിനും മറ്റുവാഹനങ്ങളുടെ ഡ്രൈവറുടെ ശ്രദ്ധ തിരിയാനും കാരണമാകും. ഇങ്ങനെ അപകടമുണ്ടായാല് അതിന്റെ ഉത്തരവാദിത്വം അതാത് വിദ്യാഭ്യാസ സ്ഥാപനത്തിനും കോളജിനുമായിരിക്കുമെന്നും മോട്ടോര് വാഹന വകുപ്പ് അറിയിച്ചു.
