കേന്ദ്ര ഏജന്സികളെക്കുറിച്ച് മുന്പും പരാതി; സിജെ റോയിയുടെ മരണത്തില് സമഗ്ര അന്വേഷണം വേണം : എംവി ഗോവിന്ദന്
വിദ്യാര്ഥികളുടെ പഠനഭാരം ഇപ്പോള് പഠിക്കുന്ന സിലബസിനേക്കാള് 25 ശതമാനം കുറയ്ക്കും : വിദ്യാഭ്യാസ മന്ത്രി
January 31, 2026
പണമിടപാടിനെ ചൊല്ലി തര്ക്കം; കോഴിക്കോട് സഹോദരങ്ങളെ കാറിടിച്ച് കൊലപ്പെടുത്താൻ ശ്രമം
January 31, 2026
കണ്ണൂര് : കോണ്ഫിഡന്റ് ഗ്രൂപ്പ് ഉടമ സി ജെ റോയി ബംഗളൂരുവില് ജീവനൊടുക്കിയ സംഭവത്തില് സമഗ്ര അന്വേഷണം വേണമെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. റെയ്ഡിന്റെ മറവില് ആദായ നികുതി വകുപ്പ് ഉദ്യോഗസ്ഥര് നടത്തിയ പീഡനമാണെന്ന് റോയിയുടെ മരണത്തില് കലാശിച്ചതെന്നാണ് കുടുംബത്തിന്റെ ആരോപണം. കേന്ദ്ര അന്വേഷണ ഏജന്സികളെ കുറിച്ചു നേരത്തെയും പരാതികള് ഉയര്ന്നിട്ടുണ്ട്. ഈ സാഹചര്യത്തില് വിഷയം ഗൗരകരമായി പരിശോധിക്കണം എന്നും എം വി ഗോവിന്ദന് കണ്ണൂരില് പ്രതികരിച്ചു.
മലയാളികള്ക്ക് ഏറെ സുപരിചതനായ വ്യവസായിയാണ് റോയ്. അദ്ദേഹത്തിന്റെ മരണം ദൗര്ഭാഗ്യകരമാണ്. പരിഹരിക്കാന് കഴിയാവുന്ന പ്രശ്നങ്ങള് മാത്രമേ റെയ്ഡിനു ശേഷവും അദ്ദേഹത്തിന് ഉണ്ടായിരുന്നുള്ളു. എന്നിട്ടു റോയി സ്വയം വെടിവെച്ചു മരിച്ചു. ഇതിനുള്ള കാരണം കണ്ടെത്തണം. റോയി ജീവനൊടുക്കിയ ശേഷവും ആദായ നികുതി വകുപ്പ് പരിശോധന തുടര്ന്നെന്നും സിപിഎം സംസ്ഥാന സെക്രട്ടറി ആരോപിച്ചു.രാജ്യത്തെ വ്യവസായികളോടും മറ്റുള്ളവരോടും കേന്ദ്ര ഏജന്സി ഉദ്യോഗസ്ഥന്മാര് ഇത്തരത്തിലുള്ള സമീപനം തന്നെയാണ് സ്വീകരിക്കുന്നതെന്നും അദ്ദേഹം പറഞ്ഞു.
