മുല്ലപ്പെരിയാര് അണക്കെട്ട് രാവിലെ 10ന് ഷട്ടറുകള് തുറക്കും; പെരിയാര് തീരത്ത് ജാഗ്രതാനിര്ദേശം
കൊച്ചിയിലെ ബാറില് ഡിജെ പാര്ട്ടിക്കിടെ യുവാവിനെ യുവതി മദ്യക്കുപ്പി പൊട്ടിച്ചു കുത്തി
June 29, 2025
ഹേമചന്ദ്രനെ കൊലപ്പെടുത്തിയത് മുഖ്യപ്രതിയുടെ പെണ്സുഹൃത്തിന്റെ വീട്ടില് വെച്ച് : പൊലീസ്
June 29, 2025
ഇടുക്കി : കനത്ത മഴയെ തുടര്ന്ന് നീരൊഴുക്ക് വര്ധിച്ചതോടെ മുല്ലപ്പെരിയാര് അണക്കെട്ട് തുറക്കാന് തീരുമാനിച്ചു. ജലനിരപ്പ് 136 അടിയായതോടെ ഞായറാഴ്ച രാവിലെ 10 മണിക്ക് മുല്ലപ്പെരിയാര് ഡാമിന്റെ ഷട്ടര് ഉയര്ത്തുമെന്ന് തമിഴ്നാട് അറിയിച്ചു.
പരമാവധി 1000 ഘനയടി വെള്ളമാണ് തുറന്നു വിടുക. പെരിയാറിന്റെ തീരത്തുള്ളവര് ജാഗ്രത പാലിക്കണമെന്നും ആശങ്കപ്പെടേണ്ട സാഹചര്യമില്ലെന്നും ജില്ലാ കളക്ടര് അറിയിച്ചു.
വൃഷ്ടി പ്രദേശമായ പെരിയാര് കടുവ സങ്കേതത്തിലെ വനത്തില് വീണ്ടും മഴ ശക്തമായതോടെ ഡാമിലേക്കുള്ള നീരൊഴുക്ക് വര്ദ്ധിച്ചിരിക്കുകയാണ്. നിലവില് ജലനിരപ്പ് 136.10 അടിയായി ഉയര്ന്നിട്ടുണ്ട്. ഡാമിലേക്ക് 3,707 ഘനയടി വെള്ളമാണ് ഒഴുകിയെത്തുന്നത്. സെക്കന്ഡില് 2,117 ഘനയടി വെള്ളം തമിഴ്നാട് കൊണ്ടുപോകുന്നുണ്ട്. ഡാം തുറന്നാല് ഇടുക്കി അണക്കെട്ടിലേക്കാണ് വെള്ളം ഒഴുകിയെത്തുക.
