സംസ്ഥാനത്ത് 59 ശതമാനം മഴക്കുറവ്
വിഭാഗീയത: ചിത്തരഞ്ജൻ എം.എൽ.എ ഉൾപ്പെടെ 40 പേരെ സിപിഎം തരംതാഴ്ത്തി, മൂന്നു ഏരിയകമ്മറ്റികൾ പിരിച്ചുവിട്ടു
June 20, 2023
13 ദിവസത്തോളം നീണ്ട വിദേശയാത്രക്ക് ശേഷം മുഖ്യമന്ത്രി തിരിച്ചെത്തി
June 20, 2023
തിരുവനന്തപുരം: കാലവർഷം ദുർബലമായതോടെ സംസ്ഥാനത്ത് മഴക്കുറവ് 59 ശതമാനമായി. ജൂണ്‍ ഒന്നു മുതൽ ഇന്നലെ വരെ 393.9 മില്ലീമീറ്റർ മഴ ലഭിക്കേണ്ട സ്ഥാനത്ത് ലഭിച്ചത് 160.9 മില്ലീമീറ്റർ മാത്രം.
എല്ലാ ജില്ലകളിലും മഴക്കുറവ് തുടരുക യാണ്. കാർഷിക മേഖലയെയും മഴക്കുറവ് സാരമായി ബാധിച്ചിട്ടുണ്ട്. സംസ്ഥാനത്ത് തെക്കുപടിഞ്ഞാറൻ കാലവർഷം ദുർബലമായതായി കാലാവസ്ഥാ നിരീക്ഷണ കേന്ദ്രം സ്ഥിരീകരിച്ചു. കേരള തീരത്ത് കാലവർഷ മേഘങ്ങൾ സജീവമാണെങ്കിലും തെക്ക്പടിഞ്ഞാറൻ കാറ്റ് ശക്തമാകാത്തതാണ് മഴ കുറയാനിടയാക്കുന്നത്. അതേസമയം, അടുത്ത അഞ്ചു ദിവസം പരക്കെ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
