ആ​ധു​നി​ക​രീ​തി​യി​ല്‍ നി​ര്‍​മി​ച്ച കോ​ട്ട​യം കെ​എ​സ്ആ​ര്‍​ടി​സി ബ​സ് ടെ​ര്‍​മി​ന​ല്‍ ചോ​ര്‍​ന്നൊ​ലി​ക്കു​ന്നു

കോ​ട്ട​യം : ആ​ധു​നി​ക​രീ​തി​യി​ല്‍ നി​ര്‍​മി​ച്ച കോ​ട്ട​യം കെ​എ​സ്ആ​ര്‍​ടി​സി ബ​സ് ടെ​ര്‍​മി​ന​ല്‍ ചോ​ര്‍​ന്നൊ​ലി​ക്കു​ന്നു. ഉ​ദ്ഘാ​ട​നം ന​ട​ത്തി ഒ​രു വ​ര്‍​ഷം തി​ക​യു​ന്ന​തി​നു മു​ന്‍​പു​ത​ന്നെ കെ​ട്ടി​ട​ത്തി​ല്‍ ചോ​ര്‍​ച്ച​യു​ണ്ടാ​യി​രി​ക്കു​ക​യാ​ണ്.

യാ​ത്ര​ക്കാ​ര്‍ ഇ​രി​ക്കു​ന്ന ഭാ​ഗ​മാ​ണ് ചോ​രു​ന്ന​ത്. മ​ഴ വെ​ള്ളം ഒ​ലി​ച്ചി​റ​ങ്ങു​ന്ന​തി​നാ​ല്‍ ഷോ​ര്‍​ട്ട് സ​ര്‍​ക്യൂ​ട്ടു​ണ്ടാ​യി വൈ​ദ്യു​തി മു​ട​ങ്ങു​ന്ന​തും പ​തി​വാ​യി​രി​ക്കു​ക​യാ​ണ്. മ​ഴ പെ​യ്താ​ല്‍ ടെ​ര്‍​മി​ന​ലി​ല്‍ വൈ​ദ്യു​തി ഇ​ല്ലാ​ത്ത അ​വ​സ്ഥ​യാ​ണ്.

രാ​ത്രി​യി​ലാ​ണ് ഇ​ത് ഏ​റെ ദു​രി​ത​മു​ണ്ടാ​ക്കു​ന്ന​ത്. വ​യ​റിം​ഗി​നു​ള്ളി​ല്‍ വെ​ള്ളം ക​യ​റി ഷോ​ര്‍​ട്ട് ആ​കു​ന്ന​താ​ണ് വൈ​ദ്യു​തി മു​ട​ങ്ങാ​ന്‍ കാ​ര​ണ​മാ​കു​ന്ന​ത്. ജ​ന​റേ​റ്റ​ര്‍ സം​വി​ധാ​നം ഇ​ല്ലാ​ത്ത​തി​നാ​ല്‍ ഇ​രു​ട്ട​ത്ത് ഇ​രി​ക്കേ​ണ്ട സ്ഥി​തി​യാ​ണ്. ഭി​ത്തി​ക​ള്‍ പാ​ന​ല്‍ ചെ​യ്ത സ്ലാ​ബു​ക​ള്‍ പ​ല​സ്ഥ​ല​ത്തും പൊ​ട്ടി​ക്കീ​റി.

ചെ​ല​വ് കു​റ​ഞ്ഞ മാ​തൃ​ക​യാ​യ പ്രീ-​ഫാ​ബ് രീ​തി​യി​ലാ​ണ് ടെ​ര്‍​മി​ന​ല്‍ നി​ര്‍​മി​ച്ച​ത്. ഓ​രോ ഭാ​ഗ​വും ഒ​രു സ്ഥ​ല​ത്തു ത​യാ​റാ​ക്കി​യ ശേ​ഷം കൂ​ട്ടി​യൊ​ജി​പ്പി​ക്കു​ന്ന രീ​തി​യാ​ണി​ത്. യു​പി​വി​സി (പ്ലാ​സ്റ്റി​ക് ഇ​ല്ലാ​ത്ത പി​വി​സി), ഡ​ബ്ല്യു​പി​വി​സി, എം​എ​സ് ഫ്രെ​യിം എ​ന്നീ വ​സ്തു​ക്ക​ളാ​ണ് പ്രീ-​ഫാ​ബി​ല്‍ ഉ​പ​യോ​ഗി​ക്കു​ന്ന​ത്.

ആ​ര്‍​സി​സി മേ​ല്‍​ക്കൂ​ര​യാ​ണ് ടെ​ര്‍​മി​ന​ലി​ന് ഉ​പ​യോ​ഗി​ച്ചി​രി​ക്കു​ന്ന​ത്. ക​നം​കു​റ​ഞ്ഞ സ്ലാ​ബു​ക​ള്‍ പാ​കി​യ ശേ​ഷം കോ​ണ്‍​ക്രീ​റ്റ് മി​ശ്രി​തം മു​ക​ളി​ല്‍ നി​ര​ത്തു​ന്ന​താ​ണ് ഈ ​രീ​തി. എ​ന്നാ​ല്‍ ഇ​വി​ടെ സ്ലാ​ബു​ക​ള്‍​ക്ക് മു​ക​ളി​ല്‍ സി​മ​ന്‍റ് ക​ല​ക്കി (ഗ്രൗ​ട്ട്) ഒ​ഴി​ക്കു​ക മാ​ത്ര​മാ​ണ് ചെ​യ്തി​രി​ക്കു​ന്ന​തെ​ന്നാ​ണ് പ​റ​യു​ന്ന​ത്.

ക​ന​മി​ല്ലാ​ത്ത സ്ലാ​ബാ​യ​തി​നാ​ല്‍ വാ​ട്ട​ര്‍ ടാ​ങ്ക് വ​യ്ക്കാ​ന്‍​പോ​ലും ക​ഴി​യാ​ത്ത സ്ഥി​തി​യാ​ണ്. ടെ​ര്‍​മി​ന​ലി​ല്‍ നേ​ര​ത്തെ 2,000 ലി​റ്റ​റി​ന്‍റെ വാ​ട്ട​ര്‍ ടാ​ങ്ക് ആ​ണ് ഉ​പ​യോ​ഗി​ച്ചി​രു​ന്ന​ത്. എ​ന്നാ​ല്‍ ഇ​പ്പോ​ള്‍ 500 ലി​റ്റ​റി​ന്‍റെ ടാ​ങ്കാ​ണ് വ​ച്ചി​രി​ക്കു​ന്ന​ത്.

ഭി​ത്തി​യും സ്ലാ​ബ് ഉ​പ​യോ​ഗി​ച്ച് തി​രി​ച്ചി​രി​ക്കു​ക​യാ​ണ്. തൂ​ണ് നി​ര്‍​മി​ച്ച​തി​നു​ശേ​ഷം ഇ​തി​നി​ട​യി​ല്‍ സ്ലാ​ബ് ഉ​പ​യോ​ഗി​ച്ച് ഭി​ത്തി തി​രി​ക്കു​ക​യാ​യി​രു​ന്നു. ആ​ണി​പോ​ലും ഇ​തി​ല്‍ അ​ടി​ക്കാ​ന്‍ ക​ഴി​യി​ല്ല.

2022 ഒ​ക്ടോ​ബ​റി​ലാ​യി​രു​ന്നു ടെ​ര്‍​മി​ന​ലി​ന്‍റെ ഉ​ദ്ഘാ​ട​നം. ഈപ്പൻ ജോർജിന്റെ ഉടമസ്ഥതയിലുള്ള ഇക്യുബ് സ്ട്രക്ചറൽ കംപെയിൻസ് പ്രൈവറ്റ് ലിമിറ്റഡാണ് നിർമാതാക്കൾ. തിരുവഞ്ചൂർ രാധാകൃഷ്ണൻ എംഎൽഎയുടെ ആസ്തി വികസന ഫണ്ടിൽ നിന്നുള്ള 1.81 കോടി രൂപ ഉപയോഗിച്ചാരുന്നു നിർമാണം. ഒരു നിലയുള്ള കാത്തിരിപ്പുകേന്ദ്രവും അനുബന്ധ സംവിധാനങ്ങളുമടക്കം 6,000 ചതുരശ്ര അടിയിലാണ് ടെർമിനൽ.. താ​ത്ക്കാ​ലി​ക കെ​ട്ടി​ടം എ​ന്ന നി​ല​യി​ലാ​ണ് ടെ​ര്‍​മി​ന​ല്‍ നി​ര്‍​മി​ച്ച​ത്. എ​ന്നാ​ല്‍ ഇ​പ്പോ​ള്‍ പു​തി​യ കെ​ട്ടി​ടം നി​ര്‍​മി​ക്കു​ന്ന​ത് സം​ബ​ന്ധി​ച്ച ആ​ലോ​ച​ന​ക​ള്‍ നി​ല​ച്ച​മ​ട്ടാ​ണ്.