മാധ്യമപ്രവര്‍ത്തകയോട് അപമര്യാദയായി പെരുമാറി : നടന്‍ അലന്‍സിയറിനെതിരേ സ്വമേധയാ കേസെടുത്ത് വനിതാ കമീഷന്‍
പതിനാലുകാരിയും ബന്ധുവായ 34കാരനും വിഷം കഴിച്ച് ആത്മഹത്യക്ക് ശ്രമിച്ചു
September 19, 2023
നിപ ഭീഷണി പൂര്‍ണമായി ഒഴിഞ്ഞിട്ടില്ല : മുഖ്യമന്ത്രി
September 19, 2023
തിരുവനന്തപുരം : മാധ്യമപ്രവര്‍ത്തകയോട് അപമര്യാദയായി പെരുമാറിയ സംഭവത്തില്‍ നടന്‍ അലന്‍സിയറിനെതിരേ സ്വമേധയാ കേസെടുത്ത് സംസ്ഥാന വനിത കമീഷന്‍. തിരുവനന്തപുരം റൂറല്‍ എസ്പി ഡി.ശില്‍പയോട് സംഭവം സംബന്ധിച്ച് റിപ്പോര്‍ട്ട് ആവശ്യപ്പെട്ടതായി വനിത കമീഷന്‍ അധ്യക്ഷ പി സതീദേവി പറഞ്ഞു.
സംസ്ഥാന ചലച്ചിത്ര അവാര്‍ഡ് വിതരണ ചടങ്ങില്‍ അലന്‍സിയര്‍ നടത്തിയ സ്ത്രീവിരുദ്ധ പരാമര്‍ശം വന്‍ വിമര്‍ശനത്തിനാണ് വഴിവെച്ചത്. അവാര്‍ഡ് സ്വീകരിച്ച ശേഷം പുരസ്‌കാരമായി പെണ്‍പ്രതിമ നല്‍കി പ്രലോഭിപ്പിക്കരുതെന്നും അലന്‍സിയര്‍ പറഞ്ഞിരുന്നു. പിന്നീട് വിഷയത്തിൽ അലന്‍സിയറിന്‍റെ പ്രതികരണം എടുക്കാന്‍ പോയ ചാനല്‍ പ്രവര്‍ത്തകയ്‌ക്കെതിരേ അദ്ദേഹം മോശം പദപ്രയോഗം നടത്തുകയായിരുന്നു.
ചാനല്‍ പ്രവര്‍ത്തകയെ അവഹേളിച്ചു കൊണ്ടു സംസാരിച്ചതിനേതിരേ നല്‍കിയ പരാതിയില്‍ അലന്‍സിയറിനെതിരേ തിരുവനന്തപുരം റൂറല്‍ എസ്പി കേസ് രജിസ്റ്റര്‍ ചെയ്തിട്ടുണ്ടെന്നും വനിത കമീഷന്‍ ഇതു സംബന്ധിച്ച റിപ്പോര്‍ട്ട് ആവശ്യപ്പെട്ടതായും വനിത കമീഷന്‍ അധ്യക്ഷ പറഞ്ഞു. അലന്‍സിയറിന്‍റെ സ്ത്രീവിരുദ്ധ പരാമര്‍ശത്തിനെതിരേ സാസ്‌കാരിക മന്ത്രി സജി ചെറിയാന്‍ ഉള്‍പ്പെടെയുള്ളവര്‍ രംഗത്തെത്തിയിരുന്നു. പ്രസ്താവന അപലപനീയവും സാംസ്‌കാരിക കേരളത്തിന് നിരക്കാത്തതുമാണെന്നായിരുന്നു മന്ത്രി ജെ. ചിഞ്ചുറാണിയുടെ പ്രതികരണം.
