മ​ണി​പ്പു​രി​ൽ സം​ഘ​ർ​ഷം തു​ട​രു​ന്നു, മൂ​ന്നു മെ​യ്തെ​യ് വി​ഭാഗ​ക്കാർ കൊ​ല്ല​പ്പെ​ട്ടു, കുക്കികളുടെ വീടിന് തീയിട്ടു

ഇം​ഫാ​ൽ: മ​ണി​പ്പു​രി​ൽ സം​ഘ​ർ​ഷം തു​ട​രു​ന്നു. വെ​ള്ളി​യാ​ഴ്ച അ​ർ​ധ​രാ​ത്രി ബി​ഷ്ണു​പു​രി​ൽ ന​ട​ന്ന സം​ഘ​ർ​ഷ​ത്തി​ൽ മൂ​ന്നു പേ​ർ കൊ​ല്ല​പ്പെ​ട്ടു. മെ​യ്തെ​യ് വി​ഭാഗ​ക്കാ​രാ​ണ് കൊ​ല്ല​പ്പെ​ട്ട​വ​ർ. ഇ​തോ​ടെ കു​ക്കി​ക​ളു​ടെ വീ​ടു​ക​ൾ​ക്ക് മെ​യ്തെയ് വിഭാഗക്കാർ തീ​യി​ട്ടു.

ബ​ഫ​ർ സോ​ൺ ക​ട​ന്ന് മെ​യ്തെ​യ് വി​ഭാ​ഗ​ക്കാ​രു​ടെ പ്ര​ദേ​ശ​ത്തേ​ക്ക് എ​ത്തി​യാ​ണ് അ​ക്ര​മി​ക​ൾ വെ​ടി​യു​തി​ർ​ത്ത​ത്. കേ​ന്ദ്ര സേ​ന ​യാ​ണ് ബ​ഫ​ർ സോ​ണി​ൽ കാ​വ​ൽ​നി​ൽ​ക്കു​ന്ന​ത്. സം​ഭ​വ​ത്തെ തു​ട​ർ​ന്ന് ഇം​ഫാ​ൽ ഈ​സ്റ്റ്, ഇം​ഫാ​ൽ വെ​സ്റ്റ് പ്ര​ദേ​ശ​ങ്ങ​ളി​ൽ ക​ർ​ഫ്യൂ വീ​ണ്ടും പ്ര​ഖ്യാ​പി​ച്ചു. പൊ​ലീ​സി​ന്‍റെ ആ​യു​ധ​പ്പു​ര​യി​ൽ​നി​ന്നു മെ​യ്തെ​യ് വി​ഭാ​ഗം ക​ഴി​ഞ്ഞ ദി​വ​സം വ​ൻ തോ​തി​ൽ ആ​യു​ധ​ങ്ങ​ളും വെ​ടി​ക്കോ​പ്പു​ക​ളും ക​വ​ർ​ന്നി​രു​ന്നു. 

ബി​ഷ്ണു​പു​ർ ജി ​ല്ല​യി​ലെ ന​ര​ൻ​സെ​യ്ന​യി​ലെ സെ​ക്ക​ൻ​ഡ് ഇ​ന്ത്യ റി​സ​ർ​വ് ബ​റ്റാ​ലി​യ​ൻ (ഐ​ആ​ർ​ബി) ആ​സ്ഥാ​ന​ത്തു​നി​ന്നാ​ണ് ആ​യു​ധ​ങ്ങ​ൾ മോ​ഷ്ടി​ക്ക​പ്പെ​ട്ട​ത്. ഒ​രു എ​കെ സീ​രീ​സ് അ​സോ​ൾ​ട്ട് റൈ​ഫി​ൾ, മൂ​ന്ന് ഘ​ട​ക് റൈ​ഫി​ളു​ക​ൾ, 195 സെ​ൽ​ഫ് ലോ​ഡിം​ഗ് റൈ​ഫി​ളു​ക​ൾ, അ​ഞ്ച് എം​പി-5 തോ​ക്കു​ക​ൾ, 16 ഒ​ന്പ​ത് എം​എം പി​സ്റ്റ​ൾ, 25 ബു​ള്ള​റ്റ് പ്രൂ​ഫ് ജാ​ക്ക​റ്റു​ക​ൾ, 24 ഹാ​ൻ​ഡ് ഗ്ര​നേ​ഡു​ക​ൾ, 21 കാ​ർ​ബൈ​നു​ക​ൾ, 19,000 വെ​ടി​യു​ണ്ട​ക​ൾ എ​ന്നി​വ​യാ​ണ് മെ​യ്തെ​യ് വി​ഭാ​ഗ​ക്കാ​ർ ക​വ​ർ​ന്ന​ത്. ഇം​ഫാ​ലി​ലെ ആ​യു​ധപ്പു​ര​യി​ൽ​നി​ന്നും ആ​യു​ധ​ങ്ങ​ൾ മോ​ഷ്ടി​ക്കാ​ൻ മെ​യ്തെ​യ് വി​ഭാ​ഗം ശ്ര​മി​ച്ചെ​ങ്കി​ലും ന​ട​ന്നി​ല്ല.

ഇ​ന്ന​ലെ മ​ണി​പ്പു​രി​ൽ അ​ക്ര​മി​ക​ളു​ടെ വെ​ടി​യേ​റ്റ് പൊ​ലീ​സു​കാ​ര​ൻ കൊ​ല്ല​പ്പെ​ട്ടിരുന്നു. ഇം​ഫാ​ൽ വെ​സ്റ്റ്-​കാം​ഗ്പോ​ക്പി അ​തി​ർ​ത്തി​യി​ലാ​ണു മ​ണി​പ്പു​ർ റൈ​ഫി​ൾ​സ് അം​ഗം ടി. ​ഋ​ഷി(48) കൊ​ല്ല​പ്പെ​ട്ട​ത്. ഇ​ദ്ദേ​ഹ​ത്തി​ന്‍റെ ത​ല​യ്ക്കാ​ണു വെ​ടി​യേ​റ്റ​ത്. ആ​ക്ര​മ​ണ​ത്തി​നു പി​ന്നി​ൽ കു​ക്കി വി​ഭാ​ഗ​മാ​ണെ​ന്നാ​ണു സം​ശ​യി​ക്കു​ന്ന​ത്.