മണിപ്പൂരിൽ വീണ്ടും സംഘർഷം, ചുരാചന്ദ്പൂർ-ബിഷ്ണുപൂർ അതിർത്തിയിൽ വെടിവെപ്പ്; അക്രമികൾ സ്‌കൂളിന് തീയിട്ടു

ഇംഫാൽ: മണിപ്പൂരിൽ വീണ്ടും സംഘർഷം. ചുരാചന്ദ്പൂർ-ബിഷ്ണുപൂർ അതിർത്തിയിൽ ഇരു വിഭാഗങ്ങൾ തമ്മിൽ വെടിവെപ്പുണ്ടായി. ക​ഴി​ഞ്ഞ​ദി​വ​സം ന​ട​ന്ന അ​ക്ര​മ​ങ്ങ​ളി​ല്‍ ഒ​രു സ്ത്രീ​യ്ക്ക് വെ​ടി​യേ​റ്റു. ബി​ഷ്ണു​പു​ര്‍ ജി​ല്ല​യി​ലെ ക്വാ​ക്ത​യി​ല്‍ ആ​ണ് സം​ഭ​വം. പ​രി​ക്കേ​റ്റ ഇ​വ​രെ ഇം​ഫാ​ലി​ലെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. മ​ണി​പ്പുരി​ലെ സ്ഥി​തി​ഗ​തി​ക​ള്‍ സാ​ധാ​ര​ണ നി​ല​യി​ലേ​ക്ക് കൊ​ണ്ടു​വ​രു​ന്ന​തിന്‍റെ ഭാ​ഗ​മാ​യി സ്‌​കൂ​ളു​ക​ള്‍ ഉ​ള്‍​പ്പെ​ടെ തു​റ​ന്ന് പ്ര​വ​ര്‍​ത്തി​പ്പി​ക്കാ​നു​ള്ള ശ്ര​മ​ങ്ങ​ളു​മാ​യി സ​ര്‍​ക്കാ​ര്‍ മു​ന്നോ​ട്ട് പോ​കു​ന്ന​തി​നി​ടെ ചു​രാ​ച​ന്ദ്പു​രി​ല്‍ ഒ​രു സ്‌​കൂ​ളി​ന് അ​ക്ര​മികൾ തീ​യി​ട്ടു

പു​സ്ത​ക​ങ്ങ​ള്‍, ഫ​ര്‍​ണി​ച്ച​റു​ക​ള്‍ ഉള്‍​പ്പെ​ടെ 1.5 കോ​ടി രൂ​പ​യു​ടെ നാ​ശ​ന​ഷ്ട​മു​ണ്ടാ​യ​താ​യി റ​സി​ഡ​ന്‍​ഷ്യ​ല്‍ സ്‌​കൂ​ള്‍ മാ​നേ​ജ്മെ​ന്‍റ് അ​റി​യി​ച്ചു.അക്രമം അടിച്ചമർത്താൻ ശക്തമായ നടപടികൾ തുടങ്ങിയതായി പൊലീസ് പറഞ്ഞു. 13,000ൽ അധികം പേരെ കസ്റ്റഡിയിലെടുത്തു. പലരേയും കരുതൽ തടങ്കലിലാക്കി. 239 ബങ്കറുകൾ തകർത്തു. സ്ത്രീകളെ നഗ്‌നരാക്കി പരേഡ് നടത്തിയ സംഭവത്തിൽ 14 പ്രതികളെ തിരിച്ചറിഞ്ഞിട്ടുണ്ട്. ആറുപേരെയാണ് ഇതുവരെ അറസ്റ്റ് ചെയ്തത്. സംസ്ഥാനത്ത് കൂടുതൽ സൈന്യത്തെ വിന്യസിക്കണമെന്ന് സി.ഐ.എസ്.എഫ് കേന്ദ്ര ആഭ്യന്തര മന്ത്രാലയത്തെ അറിയിച്ചു. ഇംഫാൽ വിമാനത്താവളത്തിൽ കൂടുതൽ ജവാൻമാരെ വിന്യസിക്കണമെന്നും സി.ഐ.എസ്.എഫ് ആവശ്യപ്പെട്ടിട്ടുണ്ട്. അതിനിടെ മിസോറമിൽനിന്ന് മെയ്‌തെയ് വിഭാഗത്തിന്റെ പലായനം തുടരുകയാണ്. വിവിധ സംഘടനകളുടെ ഭീഷണിക്ക് പിന്നാലെ മിസോറമിൽനിന്ന് മണിപ്പുരിലേക്ക് ഇന്നലെ മാത്രം 68 പേരാണ് തിരികെയെത്തിയത്. ഇംഫാൽ വിമാന താവളത്തിലെ കണക്കാണിത്.