മലൈക്കോട്ടൈ വാലിബന്‍ ട്രെയിലര്‍ പ്രേക്ഷകരിലേക്ക്
അയോധ്യ പ്രതിഷ്ഠാ ദിനം: ബാങ്കുകൾക്കും ഉച്ചവരെ അവധി
January 19, 2024
ഉസ്ബകിസ്താനോട് മൂന്ന് ഗോൾ തോൽവി; ഇന്ത്യയുടെ പ്രീക്വാർട്ടർ പ്രതീക്ഷ മങ്ങി
January 19, 2024
പ്രഖ്യാപനം മുതല്‍ ഓരോ അപ്ഡേറ്റും പ്രേക്ഷകര്‍ ഇരുകൈയും നീട്ടി സ്വീകരിച്ച മലൈക്കോട്ടൈ വാലിബന്റെ ഗംഭീര ട്രെയിലർ റിലീസായി. കൊച്ചിയില്‍ നടന്ന താരസമ്പന്നമായ ചടങ്ങിലാണ് മലൈക്കോട്ടൈ വാലിബന്‍ ട്രെയിലർ റിലീസ് ചെയ്തത്. ‘ഈ ജോണറിലുള്ള ഒരു സിനിമ ഇന്ത്യന്‍ സിനിമയില്‍ ഉണ്ടായിട്ടില്ല എന്നാണ് എന്റെ വിശ്വാസം. വലിയൊരു ക്യാന്‍വാസില്‍ ചെയ്ത മലൈക്കോട്ടൈ വാലിബന്‍ തിയേറ്ററില്‍ മുന്‍വിധികള്‍ ഇല്ലാതെ ആസ്വദിക്കാന്‍ സാധിക്കുന്ന നല്ലൊരു സിനിമ’ എന്നാണ് മോഹന്‍ലാല്‍ മലൈക്കോട്ടൈ വാലിബനെ വിശേഷിപ്പിച്ചത്.
”ജയം അതിനേക്കാള്‍ വലിയൊരു ലഹരിയില്ല. ഞാന്‍ ആ ലഹരിയില്‍ മതിമറന്നു. മതിമറന്നാല്‍ അതില്‍ ഒളിഞ്ഞിരിക്കുന്ന ചതി കണ്ടെത്താനാവില്ല” – എന്ന ഡയലോഗോടെയാണ് ട്രെയിലറിന്‍റെ തുടക്കം. ദൃശ്യവിസ്‌മയമാണ് ചിത്രത്തില്‍ ലിജോ ജോസ്‌ പെല്ലിശ്ശേരി ഒരുക്കിയതെന്ന് വ്യക്തമാക്കുന്നതാണ് 2.23 മിനിറ്റ് ദൈര്‍ഘ്യമുള്ള ട്രെയിലർ. മലൈക്കോട്ടൈ വാലിബന്‍ ജനുവരി 25നാണ് പ്രേക്ഷകരിലേക്കെത്തുന്നത്. പ്രണയവും, വിരഹവും, ദുഃഖവും, അസൂയയും, സന്തോഷവും, പ്രതികാരവുമുള്ള ചിത്രമാണ് മലൈക്കോട്ടൈ വാലിബന്‍.
